Aos populares de Mondoñedo preocúpalles a inseguridade que está a xerar o equipo de goberno que ante calquera problema non se amosa capaz de xerar unha solución.
Mondoñedo, 16 de febreiro de 2013- Ao Partido Popular de Mondoñedo preocúpalle a inseguridade que está a xerar o equipo de goberno que ante calquera problema non se amosa capaz de xerar unha solución. “ A falta de proxecto e incapacidade de xestión” que está a amosar o bipartito á hora de resolver os problemas locais, é “lamentable”, asegurou a portavoz local, Elena Candia, a raíz dun novo desprendemento que afecta a parroquia de Sasdónigas e que está a ameazar unha ruta escolar na localidade.
Ante esta situación, a portavoz popular demanda maior explicación do rexedor local, o nacionalista Orlando González. “Asemella que a autoridade do señor alcalde se está a cinguir a aportar o bastón de mando na procesión dos Remedios”, lamentou a popular, ao tempo que critica que o nacionalista “sempre desaparece ante os problemas escudándose no tenente de alcalde do PSOE , xerando desta maneira, “inseguridade na cidadanía e amosando que ao fronte do goberno local están persoas que non saben resolver os problemas”.
Neste senso, o PP esíxelle ao rexedor local que asuma as súas responsabilidades para solventar de maneira eficaz este tipo de situacións, xa que a popular lamenta que ao parecer o equipo de goberno cre que “contando os problemas, estes pensan que xa non son deles”.
Dado isto, os populares lamentan a imaxe que se poda estar a dar agora dende Mondoñedo, froito dun goberno que xera inseguridade e que se amosa incapaz de resolver situacións e máis ante unha problemática que, tendo en conta a climatoloxía e a orografía na localidade, sempre se sufriu na localidade. A popular referiu a existencia de máis de aspectos e de temáticas distintas que evidenciaron unha falta de implicación e incapacidade dun goberno que abandona aos veciños
Así, o bipartito mindoniense dado o seu compromiso asumido debe ser quen de dar unha resposta resolutiva aos veciños afectados e acadar obxectivos que redunden no beneficio colectivo, asegura a popular. Segundo explica a voceira, este proceso de traballo asumido non pasa simplemente por dar conta ante os medios do acontecido, ao tempo que Candia traslada a sorpresa do seu partido ante que o bipartito que “tanto se ofende e pide unión”, facilite información antes aos medios sobre o orzamento do vial de acceso de Orxal a Pausalido (Argomoso) que ao propio partido ganador das eleccións municipais”. A voceira popular lembra que o propio rexedor local, logo de que un técnico da Xunta visitara o lugar, asumiu en pleno o compromiso de informar á oposición sobre esta situación, que de novo, lamenta a popular, incumpre.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
