– As entidades asociativas dos 67 Concellos da provincia poden formalizar as solicitudes dende hoxe mesmo e ata o vindeiro 15 de maio
– O programa permitirá executar máis de 200 actuacións de mellora e dotación de servizos e equipamentos públicos no rural, contribuíndo a fixar poboación e mantendo empregos
A Deputación de Lugo abriu este mércores o prazo para solicitar as obras do Plan de Comunidades Veciñais deste 2013, ó publicarse no Boletín Oficial da Provincia (BOP) hoxe mesmo, tanto as bases, como o modelo de solicitude do programa, que está dotado con 2 millóns de euros. Deste xeito, as entidades asociativas sen ánimo de lucro dos 67 Concellos da provincia poden formalizar a solicitude dende hoxe e ata o vindeiro 15 de maio. Os interesados poden consultar as bases e baixar o modelo de solicitude na web provincial www.deputacionlugo.com
O Plan de Comunidades Veciñais, unha das ferramentas básicas da Deputación para cooperar cos Concellos, permitirá executar este ano máis de 200 actuacións de mellora e dotación de servizos e equipamentos públicos no rural. A iniciativa contribúe, desta forma, a fixar poboación coa mellora das condicións de vida e de traballo das súas xentes, pois con ela lévanse a cabo pequenas obras, pero cunha profunda relevancia social e que, nin as asociacións veciñais, nin as propias entidades locais, poderían acometer por si mesmas.
O programa contribúe así mesmo a manter empregos na provincia, pois as obras realizaranas autónomos e PEMES, e supón tamén un importante aforro para os Concellos e as asociacións, xa que a Deputación asume, por segundo ano consecutivo, o 100% dos custes dos traballos.
A contía da subvención concedida a cada colectivo non superará os 12.000 euros, e o prazo máximo de execución das obras subvencionadas será o 30 de setembro, podéndose ampliar ata o 30 de novembro en casos excepcionais.
En canto ás actuacións que se financiarán, coinciden coas necesidades que o organismo detecta como prioritarias para as comunidades veciñais. Trátase principalmente das seguintes: pequenos abastecementos de auga potable, saneamentos, pavimentacións, rede de sumidoiros, iluminacións públicas, acondicionamento de camiños rurais, instalación de pequenos repetidores de TV, arranxo de fontes, obras de acondicionamento e arranxo de locais sociais, así como pequenas infraestruturas e adquisición de mobiliarios -informáticos ou similares- para o funcionamento das propias comunidades veciñais, agrupacións ou asociacións de veciños, ou como complemento de áreas recreativas, deportivas e de lecer.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
