Ribadeo, 21 de marzo de 2013. En abril dará comezo o plan de formación elaborado por ACISA para ofrecerlles aos seus socios. Nas vindeiras semanas impartiranse tres cursos: manipulador de alimentos en hostalería, manipulador de alimentos en comercio e prevención de riscos laborais para o desenvolvemento de funcións (nivel básico).
Será a empresa Álvarez Real, asociada de ACISA, a que se encargue de impartir ditos cursos, tralo convenio asinado fai uns meses coa Asociación de Comerciantes, Industriales, Servicios e Autónomos de Ribadeo.
O curso de manipulador de alimentos en hostalería impartirase o vindeiro 8 de abril en horario de 16:30 a 19:30 horas nas instalacións de ACISA, na Avenida de Galicia, nº 20 de Ribadeo. “O obxectivo principal deste curso é formar ao alumno nas normas para unha correcta manipulación de alimentos, cumprindo os requisitos necesarios para evitar toxi-infeccións alimentarias. Os obxectivos específicos do curso, serán, coñecer as formas máis comúns de contaminación de alimentos e as formas preventivas necesarias para evitalas. Tamén se tratarán as enfermidades máis comúns producidas polo consumo de alimentos en mal estado, cales son as prácticas e normas de hixiene necesarias para conservar os alimentos en bo estado e coñecer as formas de hixiene do local e as dependencias onde se manipulan os alimentos”, segundo explican desde Álvarez Real. Os interesados en asistir poden inscribirse ata o vindeiro mércores, 27 de marzo.
O 15 de abril comezará a impartirse o curso de prevención de riscos laborais para o desenvolvemento de funcións (nivel básico). O obxectivo é conseguir que os alumnos adquiran os coñecementos básicos sobre a prevención de riscos laborais e así poder detectar, evitar, corrixir e previr os problemas que poidan poñer en perigo a saúde e integridade persoal dos traballadores. Dito curso combina 6 horas presenciais distribuídas en dúas xornadas, o 15 e o 22 de abril de 16:30 a 19:30 horas, con 24 horas de formación a distancia. A data límite para inscribirse será o 5 de abril.
E o seguinte curso será o de manipulador de alimentos en comercio, que terá lugar o 29 de abril en horario de 16:30 a 19:30 horas. Para acudir será posible realizar a inscrición ata o 19 de abril.
As inscricións para acudir a calquera dos tres cursos mencionados realizaranse nas oficinas de ACISA, a través da seguinte dirección de correo electrónico: info@acisaribadeo.es ou chamando ao teléfono 982 120 565.
Desde a directiva de ACISA sinalan que “os cursos se impartirán en luns para poder facilitar a asistencia aos nosos socios. Esas xornadas o comercio pecha e as tardes tamén son máis tranquilas na hostalería”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
O posto amosa as novidades editoriais como "Mudar en común: Galiza 1959-1982", un estudo sobre a transformación estrutural da sociedade rural galega da historiadora Alba Díaz Geada que se presentou pola mañá, ou "A escola de náutica e comercio de Ribadeo, de Antonio Prado Gómez, que se presentou pola tarde na Biblioteca Municipal, antiga sede da escola. Estes e outros títulos da editora institucional están a venda nas librarías da feira.
A iniciativa foi promovida polo propio colectivo. O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.
O Instituto de Estudos Chairegos, coa colaboración do Concello de Vilalba, dentro dos actos programados para este mes de maio, co gallo das Letras Galegas, organiza o venres 30 de maio de 2025, na Casa da Cultura, ás 20:00 horas, a presentación do libro “Comida para gatos e outras delicatessen indixestas”, do que é autora Luz Darriba, artista plástica e escritora. Presentará o acto Marisa Barreiro, presidenta do Iescha.
Será o sábado, 31 de maio ás 20 h. Participarán a Escola de Música O Pallarego de Mondoñedo e a Orquestra Clasica de Xove interpretando obras de Vivaldi.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
