Foz, 15 de marzo de 2013. O alcalde de Foz, Javier Jorge Castiñeira, e o de Alfoz, Emilio Lousas, reuníronse esta mañá na Coruña co responsable da Demarcación de Carreteras do Estado en Galicia, Ángel del Río, para solicitar a construción dunha conexión entre a estrada Ferreira do Valadouro-Foz (LU-152) coa futura autovía Barreiros-San Cibrao.
Despois da xuntanza Emilio Lousas explicou que “ao saír publicado o estudo definitivo para a autovía San Cibrao-Barreiros e como o Concello de Alfoz xunto cos de O Valadouro e Foz pedíramos no seu momento mediante acordos plenarios que cando se redactara o proxecto se contemplara a conexión da estrada LU-152, de Ferreira a Foz, con esa autovía, hoxe tratamos este asunto co xefe da Demarcación de Carreteras do Estado en Galicia e así lle expuxemos a necesidade dese enlace porque tanto os concellos de Alfoz e Valadouro como parte do concello de Foz veríanse moi beneficiados con ese enlace”.
O rexedor municipal de Alfoz engadiu que o responsable de Estradas do Estado en Galicia “dixo que efectivamente se vai estudar con toda a boa fe, pero hai que ter en conta que agora hai que aprobar os proxectos parciais para a execución da obra e cando sexa o momento estudarase a posibilidade de facer ese enlace”.
Sobre a reunión de hoxe na Coruña o alcalde de Foz explicou que “cando se redacten os proxectos definitivos poderase tamén falar de pequenas modificacións, como nos dixo hoxe o responsable de Carreteras del Estado en Galicia, con quen estivemos mirando o estudo para a autovía”.
Resposta
Javier Castiñeira aproveitou tamén para responder ás declaracións sobre este asunto realizadas polo concelleiro do BNG en Foz nas últimas horas: “sorprende que, despois de quedar claro que están totalmente desinformados e que o único que pretenden é alarmar aos veciños, volvan sobre o mesmo, porque xa cansa. A disposición de información que ten o Bloque Nacionalista Galego no Concello é clara, si queren pedila aí a teñen igual que a piden doutras cousas, pero tamén poden acceder a ela no Boletín Oficial do Estado ou na páxina web do Ministerio de Fomento, onde están as alegacións, como se resolveron e incluso os planos. O peor de todo isto é que eles o único que pretenden é alarmar e está claro que non hai motivos para iso senón para satisfacerse, porque se aceptaron a maior parte das alegacións presentadas, entre las tamén as do propio BNG, entón non cabe dicir que non se tiveron en conta”.
Polo tanto, o rexedor municipal focense considera que “todos os veciños, sobre todo os de San Martiño, deben estar de noraboa por se afasta o trazado un parte importante, porque se baixa a altura do viaduto e porque se reduce moito o impacto visual e pásase dunha trincheira na ladeira a un túnel. Ese é un esforzo económico importante por parte de Fomento e polo tanto debemos estar de noraboa, igual que os veciños de Vilasindre e os da zona do Carmen porque tamén se corrixe un pouco o trazado para que afecte o menos posible a ese lugar”.
“Nós non vamos poñer trabas a esas infraestruturas, porque estes señores reclaman primeiro que se fagan e despois poñen cambadelas, como están poñendo ao gasoduto, como poñen ás redes eléctricas e en todo en xeral. Ese é o Bloque Nacionalista Galego e como é un discurso completamente insensato con isto rematamos”, manifestou Castiñeira, quen lles di aos veciños que “estean tranquilos porque se aceptaron a maior parte das alegacións”.
O alcalde de Foz considera ademais que “o máis importante agora e loitar porque esa infraestrutura teña no seu momento unha dotación orzamentaria para poder ir redactando os proxectos definitivos”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
