Ata o 17 de marzo os restaurantes ribadenses La Solana e San Miguel, ubicados no porto deportivo, ofrecen ós seus clientes a Quincena do Mar na que é posible saborear exquisitas racións, varias preparacións de pescada, rape e sargo e tamén menú degustación. Os que se acheguen estes días ós dous establecementos poderán saborear racións degustación, por 6 euros, de: salpicón de pescada e gambas, pastel de cabracho, pementos recheos de cabala, salteado de arroz con polbo do Cantábrico ou mexillóns en escabeche. Entre os pratos recomendados por José Blanco e José Ramón Rodríguez, cociñeiros e propietarios de La Solana e San Miguel, respectivamente, atópanse a pescada con arroz a banda, milfollas de pescada con crema de nécoras, rape con gambas ó allo, rape en salsa verde con ameixas, sargo ó forno con pataca panadeira ou sargo ó aroma de sidra. O prezo destas preparacións oscila entre os 17 e os 20 euros. E de luns a venres, á comida e á cena, La Solana e o San Miguel propoñen un menú degustación composto por tres aperitivos, un prato principal de peixe, bodega, pan, sobremesa e café por 22 euros comensal. Todos os prezos inclúen o IVE.
Continúa a Quincena do Mar na Solana e San Miguel ata o 17 de marzo
Relacionado
-
A deputada de Cultura, Iria Castro, e o deputado de Rural, Mar e Mocidade, Daniel García, asistiron este luns en Mondoñedo á inauguración da rúa Andrea López Chao en homenaxe á mestra mindoniense, pioneira na loita polo dereito das mulleres á educación e á saúde na emigración galega en Cuba
-
A obra teatral Zozobra chega a Vilalba a través do programa “Escena Camino Norte” e a área de Cultura
-
Mariña Gueimunde, alcaldesa de Viveiro, asistiu este domingo á ofrenda á Virxe dos Remedios en Mondoñedo, un dos actos relixiosos e culturais máis relevantes da Mariña e da provincia
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
O evento comezou cunha misa na igrexa parroquial e unha actuación musical a cargo do grupo de gaitas Axóuxere de Roupar. A continuación, tivo lugar o tradicional xantar no pavillón municipal e o recoñecemento ao home e á muller de maior idade. Carmela López subliñou que “máis dun terzo do noso orzamento vai para políticas sociais: para que o Servizo de Axuda do Fogar chegue a quen o precise; para que a Teleasistencia funcione 24 horas ao día, porque a tranquilidade das familias tamén é importante; e para ofrecer residencias públicas no rural, garantindo que ninguén teña que marchar da súa terra para recibir os coidados que merece”.
