Trabada, 18 de marzo de 2026. O alcalde de Trabada, Rubén García, mantivo no día de onte unha reunión coa presidenta da Deputación de Lugo, Carmela López, co obxectivo de trasladarlle as principais necesidades do municipio, especialmente no que respecta ás vías provinciais que discorren polo termo municipal, así como a posibilidade de impulsar novos investimentos e liñas de colaboración.
Durante o encontro, o rexedor expuxo distintas demandas relacionadas coa mellora das infraestruturas viarias, ao tempo que abordou a necesidade de continuar desenvolvendo actuacións que permitan avanzar na mellora dos servizos e equipamentos no concello.
O alcalde destacou a importancia da colaboración institucional, subliñando que a Deputación de Lugo “ten unha implicación moi relevante co Concello de Trabada, colaborando activamente desde hai anos tanto na organización de eventos como a Festa da Enfariñada, como na execución de diferentes investimentos e melloras no municipio”.
Rubén García sinalou tamén que “este tipo de encontros son fundamentais para trasladar de primeira man as necesidades reais da nosa veciñanza e seguir traballando conxuntamente na procura de solucións que permitan mellorar a calidade de vida no noso concello”.
Desde o Concello de Trabada destacan a vontade de continuar reforzando a cooperación coa Deputación de Lugo para seguir avanzando no desenvolvemento do municipio e na posta en marcha de novas actuacións.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
