Éxito do programa de actos do Día da Muller Traballadora en Cervo

A Concellería de Igualdade de Cervo que dirixe a edil Pilar Armada quixo facer público o seu agradecemento “ás tres asociacións de mulleres do municipio pola súa colaboración na posta en marcha dun programa completo de actividades para conmemorar o Día Internacional da Muller Traballadora”. “Para o Concello foi moi importante que por primeira vez as tres entidades (Alborada, As Espalladoras e Mulleres de San Ciprián) se reunisen e traballasen xuntas, unindo esforzos, para dar lugar a unhas actividades que, segundo nos manifestaron moitas das participantes, foron de agrado do público” engade Armada. Mostra diso son as cifras de participación en actos como o Café Bombón, ou a cea no restaurante Buenavista, que en total convocaron a máis de 130 mulleres.