Finalizado o primeiro encontro da 4ª Liga Nacional de Cadetes celebrada en Madrid, ao que acudiu o noso mozo arqueiro Gabriel Galante Briones, competindo na modalidade de arco recurvo, e na categoría de Cadetes aínda sendo infantil, tivo que lidiar cunha nova distancia. Os encontros disputáronse a 60 metros en diana de 122 centímetros.
O sábado pola tarde comezaba o campionato coas series clasificatorias; na primeira serie Gabriel encontrábase pletórico, de feito na súa primeira tanda de frechas logrou unha puntuación de 59 (só fallou unha frecha do 10). Tras finalizar a serie, situábse segundo detrás de Alejandro Costa Cardona da Federación Balear (326 puntos sobre 360 máximos), cunha puntuación de 313.
Tralo descanso empezaron os fallos; soltas erróneas, e a acumulación do cansanzo empezou a notarse en Gabriel que finalizaba a segunda serie colocándose na terceira posición (303 puntos) cun total acumulado de 616 puntos, unha puntuación interesante, xa que é a súa primeira participación nesta distancia. O adestrador e seleccionador nacional, o coreano Hyunymok Cho, felicitouno polo resultado obtido e pola excelencia técnica de Gabriel, animándoo a que seguise adestrando; xa que lle falta fondo físico para aguantar as esixencias do Campionato.
O domingo pola mañá celebráronse os enfrontamentos. Gabriel é un dos que fan pase directo a cuartos de final. Os eu primeiro enfrontamento é contra Francisco Javier López Hernández da Federacion Murciana. Gabriel non exterioriza o seu nerviosismo, pero apréciase nos resultados que nada teñen que ver cos lanzamentos que fixera momentos previos nas sesións de quecemento nos que se saía do 9. A falta de concentración fan que os resultados cada vez foran peores chegando algunha frecha ao 6 que o afasta de continuar na competición retrocedendo do terceiro ao oitava posto na clasificación final.
O próximo encontro será tamén no campo de tiro da Real Federación Española de Tiro con Arco en Madrid o 13 e 14 de abril. Deberemos agardar ata esa data para ver se é capaz de auto superarse como é habitual nel.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
