A Deputación de Lugo acolle o vindeiro día 19 de marzo o recital que ofrecerán os alumnos de Grao Superior do Conservatorio Superior de Música da Coruña, dando deste xeito a oportunidade de amosar ós lucenses o seu talento. 30 destes alumnos interpretarán un variado repertorio de música barroca, entre o que se inclúen 5 cantatas do compositor alemán Johann Sebastian Bach, dirixidos pola batuta do músico profesional e profesor Abraham Cupeiro. Este tipo de composicións vocais soen ser interpretadas con instrumentos de vento e corda.
Estes 30 alumnos do Conservatorio coruñés ofrecerán este concerto coma peche da visita que farán á Colección de Instrumentos Musicais e Obxectos Sonoros que a Deputación mantén en exposición permanente do Centro de Artesanía e Deseño. O interese desta é indubidable tanto para os músicos profesionais coma para o público en xeral. De feito, a Colección foi declarada Visitable pola Xunta de Galicia no ano 2008 e forma parte do Rexistro de Museos e Coleccións de Galicia (MUGA). Do mesmo xeito, e pola importancia e sona que este tan acadado fóra da Comunidade, o Ministerio de Cultura incluíuna no Directorio de Museos e Coleccións do Estado.
O concerto celebrarase na Sala de Exposicións do Centro de Artesanía e Deseño, ubicada no pavillón central, a partires das 21:00 horas. A entrada é totalmente gratuíta e o aforo estará unicamente limitado pola capacidade do recinto.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
