Lugo, 27-03-2013 – A voceira do PP na Deputación Provincial de Lugo, Elena Candia, denunciou hoxe en rolda de prensa que o presidente da Deputación de Lugo, José Ramón Gómez Besteiro, tardara ata catro meses, dende que fora informado por un técnico, en poñer en coñecemento do Ministerio Fiscal o pago de máis de 300.000 euros en obras sen executar na piscina de Monterroso.
Elena Candia deu conta dos datos atopados tralo estudo do expediente da piscina, solicitado polo Grupo Provincial Popular para o seu estudo dende que tivo constancia por prensa da existencia de posibles irregularidades en torno á obra de Monterroso.
A popular asegurou estar ante un suposto moi grave, do posible pago de obras que non están feitas e cuns importes moi elevados. Deste xeito, Candia explica que o 28 de novembro de 2011, emítese a certificación número 10, na obra da piscina climatizada de Monterroso, quedando pendente de certificar soamente 5,525,35 euros.
Porén, preto dun ano despois un técnico da Deputación, concretamente o 23 de outubro de 2012, informa que tras a realización dun chequeo aleatorio, percibe a simple vista que hai cantidade de obra pendente de executar por 300.000 euros, que logo resultou ser por 323.937,37 euros.
Polo tanto, Gómez Besteiro é sabedor de posibles irregularidades en outubro de 2012, que non pon en coñecemento do Ministerio Fiscal ata 20 de febreiro de 2013. Neste senso, a voceira popular refírese ao artigo 262 da Lei de enxuizamento criminal que recolle que o que “por razón do seu cargo, profesión ou oficio tivera noticia dalgún delito público, estaría obrigado a denuncialo inmediatamente ante o Ministerio Fiscal, ao Tribunal Competente…”. Mentres que no artigo 408, do Código Penal, cítase que a autoridade ou funcionario que, faltando a obrigación do seu cargo, deixara intencionadamente de promover a persecución dos delitos de que teña noticia ou dos seus responsable, incurrirá en pena de inhabilitación especial para emprego o cargo público por tendo de seis meses a dous anos.
Tardía en darse conta da situación
Dende o Grupo Provincial do Partido Popular tachan de “incomprensible e incrible” que nin o presidente provincial, nin o rexedor local de Monterroso, se deran conta no período dun ano de que na obra da piscina faltaban unidades de obra sen facer por máis de 54 millóns das antigas pesetas. Neste senso, hai que ter en conta que a certificación número dez, na que se recolle que só quedaban pendentes de executar obras por valor de 5.525,35 euros é do 28 de novembro de 2011; mentres que é un ano despois cando o técnico informa de que existen sen acometer obras por 323.937,37 euros.
No estudo do expediente, a deputada provincial do PP tamén denuncia retrasos sospeitos á hora de notificar a situación e pedir informes a determinados servizos da Deputación. De igual maneira, Candia explica que a día de hoxe, segundo a información facilitada, non figuran expedientes disciplinarios.
Delegación de firma
A voceira popular pregúntase se este tipo de actos ante posibles irregularidades son as que levan ao Presidente Provincial a delegar a firma nos seus compañeiros. Dende o Grupo Popular aseguran que quizabes Gómez Besteiro non se sente cómodo firmando documentos ante feito de dubidosa legalidade, que empañen a súa campaña de imaxe para facerse coa secretaría do PSdeG.
Dende o Grupo Popular aseguran que o presidente da Deputación debe actuar como tal, exercer o mando e a dirección sobre esta obra e evitar calquera posible irregularidade, retraso e prexuízos a todos os lucenses, que ao final, son os que pagan cos seus impostos todas estas obras.
Por último, a marxe da responsabilidade penal que está en coñecemento da xustiza, dende o Grupo Popular piden tamén responsabilidade políticas.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
