• Elena Candia lembra que o PP local ten un proxecto para reordenar os recursos turísticos locais froito dun traballo en común con establecementos hoteleiros, empresas privadas e particulares
• A voceira popular asegura que o seu grupo está disposto a aportar este traballo así como espera que se lle acepten as súas alegacións
• Os populares esperan receptividade por parte do rexedor local para dinamizar, a través da “unión de ideas e do consenso”, o turismo ao que se refiren como “un valor indiscutible para Mondoñedo”
• Neste senso, os populares demandan a maior implicación posible dos axentes privados, o aproveitamento dos recursos existentes e a rendibilización dos medios económicos dispoñibles
Mondoñedo, 30 de marzo de 2013- O Partido Popular de Mondoñedo ofrécelle ao goberno local bipartito traballar conxuntamente no deseño do Plan para o Fomento do Turismo e suxírelles así ao PSOE e ao BNG a inclusión de propostas aprobadas xa polo sector.
A voceira do PP local, Elena Candia, lembra que o seu partido leva tempo a traballar nun proxecto dinamizador do turismo local, que procura reordenar os recursos que ofrece a localidade. Así, á folla de ruta promovida polo PP sumáronse apoios de establecementos hoteleiros, empresas privadas e particulares, plantexando ata tres paquetes turísticos a comercializar.
Cun proxecto na man aprobado polo sector, Elena Candia explica que o seu partido está disposto a aportar este traballo así como espera que se lle acepten as súas alegacións. A popular considera necesaria a “unión de ideas e o consenso” para acadar un repunte do turismo local ao que se refire como “un valor indiscutible para a localidade”.
O PP desexa a receptividade por parte do rexedor local e sendo consciente que as actuacións dinamizadores do turismo se deben facer da man do equipo de goberno, os populares intentarán que a maior parte do seu proxecto se inclúa no plan do Concello. Así, a voceira popular asegura que dende a humildade e sendo un traballo desinteresado de moitos axentes “é de xustiza a súa inclusión”.
Alegacións
Polo tanto, os populares ofrecen o seu apoio e traballo co único obxecto de que con constancia e a implicación de todos se plantexen obxectivos realizables. Para conseguir un produto común e único, os populares propoñen unha serie de alegacións. Entre elas, dende o PP demandan a maior participación posible dos axentes privades, entre eles touroperadores, casas de turismo rural, hoteis, restaurantes e empresas de ocio. Así, consideran que a curto prazo é prioritario levar a cabo un Farm Trip (viaxe de familiarización cos axentes).
Dende o Grupo Popular local tamén destacan a importancia de non abrir novas rutas turísticas e explotar e sacarlles rendemento ás xa existentes, evitando así que se produzan abandonos como a da Ruta da Auga.
Os populares botan en falla un maior aproveitamento dos recursos, polo que piden nas súas alegacións a posta en valor do entorno e dos eventos cos que conta a localidade (rapa das bestas, Semana Santa, Feiras, Mercado Medieval…).
Aproveitamento dos recursos económicos
Os populares lembran que a elaboración das directrices para o Plan Estratéxico do Turismo de Mondoñedo supuxo un custo de preto de 4.000 euros, ao que se lle suma a pretensión de gastos de 77.500 euros solicitados á Deputación para o Plan de Acción Turística, xunto aos 150.000 euros para o centro de Interpretación da Prehistoria.
Ante esta elevada contía de diñeiro público, os populares anuncian que serán estritos e esixentes co resultado produtivo deste diñeiro.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.