A asociación cultural “Os Aventados” dará a coñecer o venres 22 de marzo a partir das cinco da tarde no Salón de Actos do Complexo Regalxunqueira os galardoados cos premios ‘Árdelle o eixo’, ‘Árdelle o carro’, ‘A toda unha vida’ e á calidade dos establecementos de hostalería.
Os Aventados instauraron fai media ducia de anos estes premios baixo a argumentación de que “ninguén pode dicir que non vivimos nunca terra onde se rende culto aos mortos, o simple feito de morrer xa e suficiente para que aqueles que durante a vida che negaron o pan e a sinal se poñan ipso facto a votar salvas e banaglorias do finado. De vivo nada de nada, de morto a gloria e a posteridade”. E exemplo máis flagrante témolo co día das Letras Galegas; xa que o homenaxeado ten que estar morto e ben morto pois hasta dez anos despois de finado, cando os vermes deron boa conta das súas carnes non se lle pode dedicar o día das Letras Galegas. Os tempos están cambiando que dicía o Dylan e é hora que nesta terra se empece a falar ben dos vivos mentres están vivos. Desa forma daráselles un pulo para que sigan a facer cousas pola súa terra. Despois de morto peras ao burro, de vivo e cando se pode axudar”.
Fai seis anos instauraron uns premios anuais co nome de ARDELLE O EIXO para aquela persoa, animal ou cousa do norte galego que se distinguiran pola súa labor social, política, artística, deportiva, industrial, medioambiental e de conservación do patrimonio.
Tamén, ó mesmo tempo se crean outros premios co nome de ARDELLE O CARRO dedicados a aquela persoa, animal ou cousa do norte galego que se distinguirán o cavo do ano pola súa nefasta xestión no ámbito social, político, artístico, deportivo, industrial, medioambiental e de conservación do patrimonio.
Os premios serán en ámbolos casos unhas esculturas de cerámica do compañeiro en argalladas Otero Regal, pero non levaran consigo ningunha gratificación económica nin lucrativa.
E posteriormente, fai dous anos, créanse os premios A TODA UNHA VIDA, dedicados a unha persoa pola súa traxectoria profesional, social, vital e persoal.
E un dos distintivos con “A” (de Aventados) DE CALIDADE, a hoteleiros, hostaleiros e restauración da Mariña de Lugo.
En anos pasados foron premiados, Díaz Pardo, Ramón Pernas, Jesús López (ex alcalde de Xove), Carlos Novo Cal, Jesús Fernández, Restaurante Boavista, Restaurante O Asador, Restaurante de Cordido, entre outros.
E no aspecto negativo os premiados foron: a masiva plantación de eucaliptos, os tránsfugas políticos, a destrución do patrimonio histórico e monumental, o alcalde de Barreiros, por permitir a destrución urbanística no seu Concello, a Urdangarín, como símbolo da corrupción, entre outros.
Os premios serán de carácter anual, e para outorgalos todos os socios de OS AVENTADOS poderán propoñer as persoas que creen merecentes dos mesmos. Con esas propostas un xurado nomeado pola xunta directiva escollerá os galardoados que serán convidados a unha comida na que se lles entregará o premio.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
