-Dende o GMS solicitaron hai meses que se levaran a cabo as xestións oportunas “para facer un aparcamento nunha parcela contigüa ó colexio co fin de mellorar a seguridade dos nenos en horas puntas”
-Destacan que “o señor Villares ten a cara de decir que como a vía que pasa fronte a esa parcela é de titularidade provincial que esixamos o traballo á Deputación cando quen ten competencias en educación é a Xunta”
CERVO, 27 DE MARZO. Os socialistas califican de “vergonzosa a contestación que por parte do equipo de goberno se lles deu ante a petición de estudiar o posible acondicionamento como aparcadoiro dunha parcela contigüa ó Colexio Nº1 de Cervo para mellorar a seguridade da comunidade educativa ás horas puntas de entrada e saída do centro escolar”.
Pasados varios meses dende que os membros do Grupo Municipal Socialista presentasen esta proposta en pleno e non obtiveran ningunha contestación, solicitáronlle ó goberno coñecer “se tiveran feita algunha xestión neste senso. A resposta do alcalde, Alfonso Villares, foi que a Xunta de Galicia levou a cabo traballos de modernización e acondicionamento do colexio e rematou as obras do pavillón, pero non se refiren en ningún momento a ningún aparcadoiro”.
E engaden que “en relación á parcela teñen a cara de decir que como a estrada que transcorre por diante do colexio é de titularidade provincial que esixamos á Deputación os traballos oportunos para dar solución a este problema. Por un lado, recoñecen que a Xunta non fixo absolutamente nada e por outra banda, escurren o bulto cara a única administración que o seu partido non está gobernando. A maneira de actuar deste equipo de goberno cada día nos parece máis incrible”.
Dende o PSOE de Cervo subliñan que “parece mentira que nos queiran tratar de tontos. Qué terá que ver que a vía que está frente á parcela sexa provincial con que teña que ser a Deputación quen asuma esta responsabilidade. Señor Villares, lembrámoslle que quen ten competencias en materia de Educación é a Xunta de Galicia, quen ten competencias para velar pola seguridade dos nenos e nenas que asisten a este colexio é a Xunta de Galicia, gobernada polos seus compañeiros de partido. En tal caso, esixa o traballo a quen o debe esixir e non queira confundir ós veciños”.
Os socialistas acórdanse que no ano 2009 cando este goberno apoiou a unificación dos colexios de San Ciprián “prometían que dotarían o actual colexio de tódolos servizos necesarios e que o aproveitamento dos recursos redundaría nunha educación de maior calidade. O tempo pon de manifesto que se necesita unha zona de aparcadoiro e o Concello está despreocupado moi moi moito”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
