A Mariña vivirá este sábado outra festa do fútbol sala, con cheo absoluto. Un Burela FS Pescados Rubén diferente, coa estrea de Juanlu na dirección, retará a hexemonía do FC Barcelona Alusport na 18ª xornada da elite, a partir das 19.30 horas. A venda de entradas na taquilla de Vista Alegre estará aberta dende as 18.15 horas.
O cadro laranxa recibirá na bomboneira o líder de Primeira (40 puntos) e recente campión da Copa de España, que validou o título o domingo pasado en Alcalá de Henares por terceira edición consecutiva, un privilexio histórico só compartido polo Caja Segovia.
Os capitáns burelistas Juanma e Edu transmitiron as boas sensacións nesta primeira semana baixo as ordes de Juanlu, así como a ilusión do equipo na nova etapa: “Foi unha semana con moita información nova sobre o que o adestrador quere de nós e a súa filosofía de xogo que acollemos moi ben; foi unha semana bastante boa” coincidían o alfocego e o naronés.
O Barcelona inaugura un complicado calendario para os laranxas, que aínda terán que verse as caras nas seguintes semanas aos outros dous grandes, Inter Movistar e ElPozo Murcia. “Para nós é un orgullo medirnos ao Barcelona, un dos mellores equipos do mundo, e que o pavillón estea repleto. Somos conscientes do envergadura do reto, pero en Vista Alegre ninguén gañou de xeito doado” advertiu Edu, puntualizando Juanma sobre a coraxe e o afán de superación laranxas: “Somos conscientes de onde estamos, pero non imos regalar nada, exporémonos coma se fose un rival directo. O Barcelona virá a gañar, non creo na relaxación tras a Copa e menos coas tres únicas derrotas nas últimas xornadas; quererán volver a gañar na liga” explicaba o Mariskal, facendo referencia aos encontros dos cataláns ante Zaragoza (8-4, 16ª xornada), Triman (3-1, 14ª) e Ríos Renovables (5-4, 13ª).
“Vista Alegre sempre nos apoia, pero este será un encontro moi importante para o Burela FS polo que representa o Barça como entidade. Estaremos arroupados pola afección de sempre, pero tamén asistirá moita xente que presenciará por primeira vez o fútbol sala, que seguramente quede enganchada ao espectáculo deste deporte” concluía Juanma.
Compoñerán a primeira convocatoria de Juanlu Edu, Mimi, Iago Míguez, Enrique, Isi, Juanma, Matamoros, Christian, Iago Barro, Hugo, Nacho Pedraza e Cesinha. Nas filas blaugranas, serán baixa Paco Sedano e Ari Santos, segundo a información facilitada dende o club catalán.
Peugeot 4008. Coincidindo co Burela FS-FC Barcelona, os afeccionados terán a oportunidade de contemplar a elegancia urbana e confortabilidade do Peugeot 4008, modelo que estará exposto nas inmediacións de Vista Alegre grazas ao colaborador do club laranxa, Talleres Pomeda de Burela.
Inter Movistar. O equipo laranxa disputará a 19ª xornada de Primeira o venres 8 ante outro dos todopoderosos, o Inter Movistar (pavillón Caja Madrid, 21.00 horas).
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
