O Burela FS Pescados Rubén B conseguiu tres puntos moi traballados na visita do Pazos de Borbén. Despois dunha primeira parte sen garra, os pupilos de Lucas repuxéronse do 0-1 en contra e atoparon a clave do gol nos últimos seis minutos para rematar 4-1.
A escasa enerxía inicial e os desaxustes ofensivos condicionaron o transcurso do primeiro período, fronte a un rival que se dedicou a buscar o perigo á contra. Precisamente así foi como, no minuto 10, o Pazos de Borbén se puxo por diante grazas a Jacobo. Tras o gol, a pesar de que o filial dominaba non creaba perigo, coa versión oposta do Pazos, que dispuxo de numerosas ocasións.
Con 0-1, o Burela FS B volveu tras o descanso con máis intensidade, aínda que tamén coa sombra das imprecisións en ataque; os mariñáns continuaron co dominio e o Pazos coas mellores ocasións, de novo ante o muro de Brais. A finalización laranxa fíxose esperar; a seis minutos por fin chegou o empate, tras unha boa xogada colectiva que culminou Antón. Un minuto máis tardes o de Fazouro volveu perforar a meta rival, tras un roubo en primera liña de presión de Manu. Fabio ampliou a vantaxe no 38, tras un contragolpe. O 4-1 definitivo subiuno Manu ao luminoso, no 39, fronte ao xogo de cinco dos de Borbén.
Ficha técnica
Pazos de Borbén: Bizza, Jacobo, Lito, Santi e Jony. Tamén xogaron Esteban, Marcelo, José, Borja e Luis.
Burela FS B: Brais, Bruno de Nois, Fabio, Antón e Keko. Tamén xogaron Carlos, Souka, Xoia e Manuel.
Goles: 0-1, minuto 10, Jacobo; 1-1, minuto 34, Antón; 2-1, minuto 35, Antón; 3-1, minuto 37, Fabio; 4-1, minuto 39, Manu
Árbitros: Corrochano Ibáñez e Dans Rey
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
