Xestión forestal sostible en Xove

O vindeiro mércores 20 de marzo,ás 19.00 horas, o Salón de Actos do Centro Cívico de Xove acolle unha charla-coloquio sobre “Certificación de gestión forestal sostenible”. Será a cargo de Antonio de María Angulo, de PFEC España. Esta xornada vai estar aberta ao público en xeral, con entrada libre, pero é especialmente interesante para os propietarios/as de montes. Coincidindo con esta actividade, o pasado xoves 14 de marzo abriuse na Sala de Exposicións do Centro Cívico a exposición “¡Aprovechemos nuestros bosques!”. Esta mostra consta de varios paneis informativos que abordan cuestión relacionadas coa xestión forestal sostible e a certificación forestal como ferramenta idónea para coidar os bosques. Cómpre sinalar que estará aberta ata o vindeiro domingo 24 de marzo que o horario é de 18.00 a 21.00 horas. Os centros educativos da comarca que o desexen poderán visitala en horario de mañá, previo aviso.