A Asociación de Axuda ó Enfermo Mental A Mariña elabora centros florais con motivo do Día da Nai

A Asociación de Axuda ó Enfermo Mental “A Mariña”, quere que este ano o día da nai sexa un pouco máis especial, si cabe, aportando o seu graniño de area para todos aqueles que buscan un agasallo con sentimento, algo especial para mamá, onde ademáis, estarán a colaborar na integración das persoas con enfermidade mental.

Así, fixeron distintos centros florais, de forma totalmente artesanal, no taller de foami que imparte Sonia Marcos,e que se venderán a un prezo de 10 € en distintas floristerías que se brindaron a colaborar con nós.

Por un lado, a Floristería Alecrín, con sedes en Burela e en Celeiro, e por outro lado, a Floristería Gardenia, con sedes en Foz e en Ribadeo, poñerán á venda dende o próximo xoves e ata o domingo, Día da nai, estes centros .

Asimesmo, o próximo xoves día 2 de maio, están atendendo ó público na sala de exposicións de Porto Plaza , en Burela, en horario de 16:00 a 20:30h, por se alguén se quere achegar e mercar algún centro ou outro tipo de agasallos elaborados con todo o cariño para tal fin.

Esperan que a sala sexa concorrida, debido a que iso repercutirá moi positivamente na autoestima de tódolos usuarios ó mesmo tempo que estarán un pouco máis cerca da tan desexada integración.

Para rematar , a Directora Técnica Xeral de “A Mariña”, María José Nóvoa, agradece a colaboración unha vez máis á Fernando Quelle, de Floristería Alecrín, que se sigue sumando ás nósas iniciativas solidarias e de integración e participación na comunidade, ó mesmo que agradece a María José López, de Floristería Gardenia, que está ilusionada por participar nesta causa, por primeira vez; facendo participes a todos os usuarios e polo tanto, conseguindo pouco a pouco a integración social e comunitaria , que tanto precisan as persoas diagnosticadas de enfermidade mental crónica.