Ribadeo, 19 de abril de 2013. A praia das Catedrais conta cunha nova fosa séptica, que entrará en funcionamento en breve. Está máis afastada do areal e máis próxima á estrada. Esa nova infraestrutura evitará o seu baleirado a diario na época estival, xa que esa operación poderase facer cada tres ou catro días, segundo ven de anunciar o concelleiro de Medio Ambiente, Horacio Cupeiro.
O edil nacionalista lembrou que “levamos tempo tentando mellorar os aspectos medio ambientais da praia das Catedrais, na parroquia da Devesa. E por fin imos cambiar a situación das fosas sépticas que estaban na parte baixa das escaleiras, pegadas ao regato que pasa por alí. A nova fosa terá unha capacidade de 25.000 litros e estará a uns 100 metros da anterior e a uns 70 do regato, máis afastada do areal e máis próxima á estrada”.
O concelleiro de Medio Ambiente explicou que “esta nova fosa permitiranos ter unha marxe de baleirado de tres ou catro días durante o período estival, cando antes isto o tiñamos que facer a diario, así tamén evitaremos a erosión que se produce todos os días ao ir co camión e o cheiro que había na zona, porque no verán cando rebordaba non se podía estar alí”. A fosa é financiada por Costas e ten un custe aproximado duns 10.000 euros, xa foi executada por Tragsa e está a piques de entrar en funcionamento.
Cupeiro anunciou que “ademais imos construír uns baños ao lado do aparcadoiro. Estes irán integrados co entorno do monumento natural das Catedrais. Os novos servizos que se farán ao rematar época estival, despois de outubro mais ou menos, farémolos nesas datas para non correr o risco de perder a bandeira azul. A obra será financiada pola Deputación Provincial de Lugo. Despois de moitas loitas e de moito traballo conseguimos a dotación orzamentaria para levar adiante todo isto e así conseguiremos que os baños e concentración humana que se da alí ao lado das escaleiras cambien por completo a problemática existente nunha zona vital, que é a entrada e a baixada á praia das Catedrais”. O investimento neste caso ascenderá a 30.000 euros.
Durante os vindeiros meses as dúas fosas, a nova e tamén a que hai actualmente, estarán operativas simultaneamente. Será ata que remate a construción dos novos baños.
O edil de Medio Ambiente agradécelle “a Costas que faga fronte ao custe da nova fosa e á Deputación Provincial de Lugo o seu compromiso co desenvolvemento da mellora medio ambiental da praia das Catedrais e do seu entorno”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
