As instalacións da Vicepresidencia da Deputación estarán pechadas entre as 11:43 e as 12:00 en solidariedade cos afectados por preferentes e subordinadas

A Vicepresidencia Primeira da Deputación de Lugo, despois de que o PP aprobase onte outra norma para executar o roubo dos aforros de galegos e galegas, a través da maioría que posúe no Congreso dos Deputados, en solidariedade cos milleiros de galegos e galegas estafadas polas participacións preferentes e subordinadas, pechará de xeito simbólico as súas instalacións entre as 11:43 e as 12 horas desta mañá, protestando por esa quita do 43% dos aforros que sufrirán os afectados de NovaCaixaGalicia.

Desta maneira pecharanse entre as 11:43 e 12:00 da mañá de hoxe as instalacións do Pazo Provincial dos Deportes e os catro museos que conforman a Rede Museística Provincial.