O aspirante á secretaría xeral do PSdeG, José Ramón Gómez Besteiro, referiuse esta mañá á negociación das normas do proceso de elección do partido, e reafirmouse na súa posición de non ser “xuíz e parte” na constitución desta normativa. “Hai case dous meses que dixen no partido, no Comité Nacional, que aspiraba á secretaría xeral, e tamén dixen hai un mes que eu non podo participar nun proceso onde se deciden as normas desa elección, porque sería xuíz e parte. Non é nada novo a miña posición, senón que xa a fixen pública hai semanas”, afirmou.
En referencia á elección por primarias, Gómez Besteiro lembrou a súa posición e o seu “compromiso” no seu papel como aspirante á secretaría xeral,e deixou claro que agora non lle corresponde a el chegar a ese acordo. “Estou nunha posición, como saben, na que defendo que o traballo de futuro deste partido pasa por un militante, un voto, e iso é no que estou a traballar e ao que me comprometo cando falo cos militantes nas diferentes agrupacións, pero tamén é certo que vou traballar no marco que o partido socialista marque para esa elección”, asegurou.
O socialista apunta que debe actuar “como aspirante” e por tanto non pode “influír” coa súa posición sobre un procedemento determinado senón que o correcto é “manterse ao marxe” do proceso. “Non me parece ético que un aspirante á secretaría xeral sexa o que defende un procedemento ou outro”, apuntou. “O meu traballo se vai dirixir a que a elección do secretario xeral se faga baixo a máxima dun militante un voto e que a xente poida votar en urna e de forma secreta. A iso me estou entregando eu, e é o futuro polo que debe ir o partido socialista. Estou sendo totalmente coherente , unha cuestión distinta é o que decida o partido, e eu como candidato creo que teño que estar fóra desa decisión, non me parece ético nin razoable nin vai coa miña personalidade, e estou a facer o que me comprometín a facer”, insistiu.
Gómez Besteiro non quixo entrar na decisión que debe tomar o actual secretario xeral para o seu futuro. “Cada un é libre de facer o que considere oportuno, este tipo de cousas son decisións persoais que se comparten cun colectivo, que é o que ten que facer todo o mundo. Cando me preguntan se é bo que haxa catro ou cinco candidatos digo que isto é a democracia, que é o que queremos, e debe servir de exemplo para que a vida democrática e transparente se instale nos partidos”, asegurou. “Eu podo responder só como José Ramón Gómez Besteiro, cun claro código ético, que como aspirante non debo influír nin participar, nin que tan sequera se poida dicir que orientei o procedemento cara onde podía servirme máis como candidato, e non me vou desviar desa liña, que é a que me da forza e coherencia”, aseverou
O aspirante á secretaría xeral do PSdeG lembrou que “o proceso orgánico é moi importante, pero o que nos está a demandar a sociedade é responder aos seus problemas, porque iso é o que nos encontramos fóra do partido e aí é onde ten que estar o partido”. Por iso destacou que está “nunha carreira de compromiso coa militancia”, e continuará “na mesma liña de falar con cantos máis militantes mellor e intentando xerar unha ilusión que se centre no partido socialista”, e que “esa ilusión”, que é “o que máis” lle “preocupa”, se traslade “á sociedade”. No marco destas reunións, o xoves estará coa militancia en Vilagarcía.
“Iso é no que temos que estar, no que está Besteiro e no que debe estar o partido: as solucións á sociedade, e seguir o que sempre digo, que o debate orgánico, que é importantísimo, non pode eclipsar as necesidades de Galicia”, afirmou Besteiro, que tamén foi preguntado polas últimas declaracións do alcalde de Lugo e presidente do PSdeG, López Orozco. “É unha opinión respetable, pero eu como aspirante á secretaría xeral non podo entrar a valorala e creo que non debo facelo”, finalizou.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
