A Deputada de Deseño e Artesanía, Regina Polín, acompañada polo artista Joan Queralt, inaugurou hoxe na Sala de Exposicións do CENTRAD a mostra O Quijote e os dereitos humanos, unha exposición de pintura inspirada na clásica obra coa que a Deputación de Lugo conmemora a celebración do Día Internacional do Libro, que se celebra o vindeiro día 23.
Tras reivindicar que “todos deberiamos ser un pouco Quijotes”, Polín quixo destacar a crecente importancia que a sala de exposicións do Centro de Artesanía está acadando dentro das rutas artísticas da provincia, “unha sala que ademais está aberta a todo o mundo. De feito, a presenza dos lucenses máis novos é cada vez máis habitual”. Aberta a todos os públicos, aínda que especialmente pensada para a xente nova, esta mostra ofrece unha particular visión do Quijote, determinada pola intención do pintor de contribuír á educación en valores coa escusa do clásico de Cervantes para promover o diálogo e o intercambio de ideas. Pola súa banda, Joan Queralt quixo agradecer a colaboración prestada pola institución provincial para expoñer a súa obra no Centro de Artesanía.
O Quijote e os dereitos humanos ten un marcado carácter didáctico e dentro das actividades programadas haberá visitas para grupos de escolares nas que o artista exercerá de guía e nas que poderán participar os centros educativos que o desexen só poñéndose en contacto co CENTRAD para concertar a súa cita. As actividades están pensadas para que calquera poida participar, xa que tamén haberá visitas guiadas a disposición de persoas cegas ou xordomudas.
Igualmente, o propio día 23 de abril será unha data destacada, xa que os nenos serán especiais protagonistas das lecturas que se farán do Quijote, así como da entrega de diplomas e diferentes agasallos para aqueles que tomaron parte nos Obradoiros Artesanais do CENTRAD da pasada Semana Santa.
Pasaxes do Quijote
Joan Queralt Blanch, artista barcelonés, centrou a súa formación no deseño industrial, se ben dende moi novo amosou un profundo interese pola pintura. Esta actividade converteríase na súa profesión, logo de reafirmar a súa vocación artística tras a estadía en cidades coma París ou Lausana. Ó seu regreso a España, traballou coma deseñador na súa cidade de nacemento, chegando a acadar un gran nivel, avalado por recoñecementos en diversos certames.
Namorado da obra cervantina, dedicou moito tempo a elaborar numerosos bocetos sobre diversas pasaxes do Quijote, nos que tentou reflectir a súa visión da loita entre o idealismo e o materialismo, presente na que é considerada polos expertos a primeira “novela” moderna. Tras catro anos de traballo, Queralt completou unha colección de lenzos que tratan episodios coma os de “Los molinos de viento”, “La aventura de Sierra Morena”, “La cueva de Montesinos”, a “Batalla de los cueros de vino” ou “Las cortes de la muerte”.
Unha destas obras recibiu o máximo galardón no Grand Prix de la Chambre de Commerce de Béziers (Francia) e outras delas foron adquiridas por museos coma o Museo Iconográfico del Quijote de Guanajuato (México) ou a Fundación Cervantina de México D.F. 34 destes lenzos poderán ser admirados a partires de mañá polos lucenses e visitantes que se acheguen ata o Centro de Artesanía e Deseño a partires deste xoves.
Datas e horarios
A mostra estará aberta ó público na Sala de Exposicións do Pavillón 4 do CENTRAD ata o 26 de maio e poderá ser visitada de luns a venres, de 10:00 a 14:00 horas e de 17:00 a 20:00 horas. A entrada é totalmente gratuíta.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
