Raquel Arias recibe aos xogadores e técnicos lucenses que se proclamaron campións de España de fútbol sala base

Lugo, 15 de abril de 2013.- A delegada territorial da Xunta de Galicia en Lugo, Raquel Arias, recibiu hoxe aos xogadores e adestradores lucenses que recentemente se proclamaron campións de España por autonomías formando parte das seleccións galegas benxamín, alevín, infantil e cadete.

Arias felicitou á delegación de once deportistas e catro técnicos lucenses, que estiveron encabezados na recepción polo presidente da Federación Galega de Fútbol Sala, Juan Ángel Probaos, e gabou “o esforzo, o compromiso e a capacidade competitiva” que tivo froito no campionato celebrado en Oropesa del Mar (Castellón).

Arias, que estivo acompañada polo xefe do servizo de Deportes da Delegación Territorial de Lugo, Manuel Otero, Cadramón, considerou os éxitos acadados como “unha proba de que se pode chegar aos primeiros postos en calquera categoría se se traballa con interese dende as idades escolares, con independencia da ubicación xeográfica”.

Neste sentido, Arias recordou precisamente que arredor de 7.000 rapaces en idade escolar participaron durante a presente tempada nas competicións do programa Xogade tanto en fútbol sala como no resto das distintas modalidades deportivas incluídas no programa impulsado pola Xunta de Galicia.

Así mesmo, a delegada territorial aproveitou para animar “a pais e nenos a involucrarse no deporte escolar, tan necesario como produtivo en moitos ámbitos vitais”. Neste sentido, a delegada territorial destacou “a satisfacción que produce observar o triunfo dos xoves deportistas”, se ben incidiu en que “o realmente significativo é comprobar cómo milleiros de nenos e nenas se enganchan ao deporte dende a escola, e deste xeito van adquirindo valores e hábitos de vida saudables conforme medran”.

Os xogadores e técnicos que formaron parte dos equipos campións de España foron:

Categoría benxamín

NOME CLUBE POSTO

XOEL TRASANCOS ATADEL PRAIA DE COVAS UNIVERSAL

Categoría alevín

GABRIEL GARCIA ABELLEIRA TABOADA PECHA-ALA

LUIS VILA LOUZAO AZKAR PORTEIRO

CHRISTIAN A. OTERO FERNANDEZ AZKAR ALA

JACOBO COSTOYA IGLESIAS AZKAR ALA-PECHE

RARES MEZDREA ED VILALBA ALA-PIVOTE

Categoría infantil

CLEY NOGUEIRA RÁBADE AZKAR LUGO ALA

NOÉ CABANA ALEMPARTE CD BURELA PORTEIRO

Iván García Pérez (primeiro adestrador)

Diego Ríos (axudante)

Categoría cadete

CRISTIAN GARCIA MÉNDEZ BURELA FS ALA-PECHE

JAVIER VÁZQUEZ MEJIAS AZKAR PECHE

ALEXANDRE RICO FERNANDEZ AZKAR PORTEIRO

Manuel Martínez González (primeiro adestrador)

Jesús Pérez Losada (axudante)