A directora xeral de Comercio, Sol Vázquez, apelou ao compromiso do empresariado lucense co futuro do ente cameral e animounos a inscribirse a partir do vindeiro martes
A comisión, integrada por 9 representantes da administración pública e 2 representantes das Cámaras, aprobou realizar unha auditoría para coñecer de xeito claro a situación económica da institución
O organismo, cuxa principal tarefa é a convocatoria de eleccións, estará presidido polo xefe territorial da Consellería de Economía e Industria
Lugo, 24 de maio de 2013.- A Comisión Xestora da Cámara de Comercio de Lugo decidiu hoxe na súa primeira reunión abrir o prazo de inscrición ao censo cameral. Este é o primeiro paso para a convocatoria de eleccións, principal tarefa da Comisión co obxectivo de restituír a gobernabilidade do ente e a estabilidade das súas funcións.
Neste sentido, a directora xeral de Comercio, Sol Vázquez Abeal, que asistiu ao encontro en representación da Xunta como órgano tutelante, apelou en declaracións aos medios ao compromiso co futuro do ente cameral do empresariado lucense. Neste sentido, animounos a inscribirse no censo, que se abrirá a partir do vindeiro martes e durante un prazo de quince días. Vázquez Abeal, que recordou o compromiso da Xunta desde o primeiro momento para contribuír na busca de solucións, sinalou que posteriormente, unha vez cumpridos os trámites legais, se procederá ao trámite das candidaturas e á convocatoria de eleccións.
A Comisión que se reuniu esta tarde está formada por 9 representantes designados pola administración pública, e 2 representantes das Cámaras, designados polo Consello Galego de Cámaras: o propio presidente do Consello, José García Costas, e o presidente da Cámara de Comercio de Santiago, Jesús Asorey.
Ademais da apertura do prazo para o censo cameral, outra das decisións adoptadas foi a realización dunha auditoría para coñecer de xeito claro e coa máxima celeridade a situación económica e de persoal do ente cameral.
Unha vez coñecida a situación financeira, a Comisión Xestora será a encargada de analizar, cos propios recursos da Cámara, como facer fronte ás distintas obrigas e necesidades pendentes, e intentar garantir o pago do salario aos traballadores.
Os membros da Comisión Xestora decidiron, así mesmo, nomear como presidente da mesma ao xefe territorial da Consellería de Economía e Industria en Lugo, José Manuel Vázquez Leirado.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
