A Xunta de Goberno deste luns aprobou unha achega de 900.000 euros para a posta en marcha dos Grupos de Emerxencia Supramunicipal (GES) na provincia. Esta cantidade distribúese en varias anualidades: 204.000 euros no 2013, 350.000 euros no 2014 e outros 350.000 euros no 2015. O voceiro provincial socialista, Manuel Martínez, destacou que “malia que a Xunta é a administración galega coas competencias en materia de emerxencia na Comunidade, a Deputación decidiu participar por 1º vez no financiamento deste servizo, achegando o 20% do orzamento necesario, co obxectivo de crear emprego e cooperar cos Concellos”. E é que o Executivo autonómico pasou de financiar esta prestación ó 100% con fondos da Unión Europea a facelo agora nun 60%. Martínez subliñou que “e aínda que segue a contar con fondos comunitarios, e a pesares da colaboración do organismo provincial, a Xunta parasita ós municipios obrigándoos a outorgar o 20% restante”.
A sesión acordou este investimento hoxe tendo en conta que mañá o Presidente da Deputación, José Ramón Gómez Besteiro, o Conselleiro de Presidencia, Alfonso Villares Valenzuela, e o Presidente da Federación Galega de Municipios e Provincias, Alfonso Villares Bermúdez, asinarán no Pazo de San Marcos o convenio de colaboración entre ditas administración para o funcionamento de 7 GES en Lugo.
Haberá 12 traballadores en cada Grupo de Emerxencia Supramunicipal, superando os 80 profesionais, que complementarán a actividade dos máis de 100 traballadores dos 6 parques de bombeiros de Viveiro, Barreiros, Chantada, Sarria, Vilalba e Monforte, postos en marcha polo Consorcio Provincial de Bombeiros. “Trátase do organismo que este Goberno Provincial e o anterior Executivo autonómico creamos no 2008 para poñer fin a discriminación que sufría Lugo, a única provincia galega que non contaba con cobertura contraincendios, e que seguir a financiar dende entón Deputación e Xunta nun 50%”, remarcou Martínez.
O voceiro destacou que “con este novo investimento, a intención desta Deputación, malia non ter as competencias en materia de emerxencia en Galicia, é acadar o 100% da cobertura das emerxencias en Lugo”. Os 7 GES situaránse na Fonsagrada, Guitiriz, Becerreá, Monterroso, A Pontenova, Cervo e Quiroga/Folgoso. O grupo con sede na Fonsagrada dará cobertura ás comarcas da Fonsagrada e Meira; o de Guitiriz a Terra Cha e Lugo; o de Becerreá cubrirá Os Ancares, parte da comarca de Lugo e Sarria; dende a sede de Monterroso cubrirase a zona máis occidental da comarca de Lugo, así como as comarcas da Ulloa e Chantada; dende A Pontenova, cubrirase a Mariña Occidental, parte da Mariña Central e Meira; dende Cervo actuarase tamén na Mariña Central e na Occidental; e por último, Quiroga e Folgoso acollerán conxuntamente ó equipo encargado das comarcas de Quiroga e Terras de Lemos.
Máis cooperación cos Concellos
A sesión acordou ampliar o prazo para o remate da primeira fase das obras de dotación do novo sistema de traída de auga na parroquia de Vilar de Mouros (Meira) logo de que o colectivo que executa estas actuacións solicitase unha prórroga ó organismo provincial tendo en conta que as condicións climatolóxicas atrasaron a data prevista. A Deputación amplía o prazo de finalización ata o 31 de maio e do xustificación ata finais de xuño. Martínez remarcou que “trátanse dunhas actuacións que porán fin ós continuos cortes no subministro de auga que dende hai anos sofren os máis de 150 veciños de Vilar de Mouros, unha parroquia con ducias de explotacións gandeiras, que acadan máis de 800 cabezas”. Ante a necesidade destes traballos e a falta de recursos municipais, a Deputación asume o custes destas obras e aforra cartos ó Concello, investindo 180.000 euros en tres anualidades: 80.000 euros este ano, 50.000 euros no 2014 e outros 50.000 euros no 2015.
Na mesma liña de cooperación cos municipios, a Xunta de Goberno aprobou conceder un anticipo de 31.000 euros ó Concello da Fonsagrada para que certifique o remate das obras do novo Consistorio e poña en marcha estas instalacións, aforrando cartos. Por exemplo, diminuirá nun 40% os gasto enerxético cunha caldeira de biomasa, financiada con fondos europeos da Deputación.
Plan de Emprego
A Xunta de Goberno aprobou, tal e como estaba previsto, un convenio entre Deputación e a Escola de Organización Industrial para o fomento do tecido produtivo e o emprego na provincia. Esta mesma semana, Deputación e EOI asinarán este texto.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
