O Comité de Empresa de Teleperformance A Coruña denunciou esta semana a intención da empresa Gas Natural Fenosa de eliminar a atención á clientela da comercializadora Unión Fenosa Comercial desde o vindeiro 1 de xuño, deslocalizando o servizo que até este momento prestaba a empresa Teleperformance desde A Coruña. Segundo o Comité de Empresa, esta decisión non só causará o despedimento de 105 persoas na comarca coruñesa, senón que imposibilitará que a clientela de Galiza poida ser atendida en galego.
A Mesa pola Normalización Lingüística amosa a súa preocupación ante estes feitos e transmite o seu apoio ás mobilizacións convocadas polo comité de empresa de Teleperformance en defensa do mantemento do servizo de atención á clientela na Coruña.
Segundo a vicepresidenta da Mesa, Susana Méndez, prescindir da atención en galego, “ademais de ofrecer unha imaxe moi negativa de Gas Natural Fenosa, suporía unha vulneración dos dereitos lingüísticos que a lexislación lle recoñece á cidadanía galega”.
Neste sentido, a maior asociación cultural de Galiza advertiu a Gas Natural Fenosa que “denunciará e animará á sociedade a denunciar” ante as oficinas de Consumo calquera obstáculo á atención en galego por parte da compañía.
A Mesa lembrou que a Lei 1/2010, de 11 de febreiro, relativa aos servizos no mercado interior, recolle na súa disposición adicional sexta que “os prestadores de servizos que operen en territorio da Comunidade Autónoma de Galiza, deberán respectar o marco legal vixente en materia lingüística, especialmente a partir da Lei 3/1983, do 15 de xuño, de normalización lingüística, consonte o disposto na alínea 4 do artigo 1 da Directiva 2006/123/CE, do Parlamento Europeo e do Consello, do 12 de decembro de 2006, relativa aos servizos no mercado interior”. Así mesmo recoñece que “para estes efectos, favorecerán a normalización progresiva do uso do galego na prestación dos seus servizos e deberanlles ofrecer aos seus destinatarios a posibilidade de manteren a comunicación oral e escrita en lingua galega”.
Do mesmo xeito, a Carta Europea de Linguas Rexionais e Minoritarias, ratificada polo Estado español, sinala nos parágrafos 3 e 4 do seu artigo 10 que se debe garantir o uso do galego nos servizos públicos, entre os cales se sitúan os diferentes servizos de provisión de enerxía como a electricidade e o gas, tanto se están proporcionados polas autoridades administrativas como por outras persoas físicas ou xurídicas.
Desde A Mesa animaron a calquera usuario dunha compañía de gas, auga ou electricidade ao que se lle negue atención oral ou escrita en galego a presentar unha reclamación. Pódese descargar un modelo de escrito nesta ligazón: http://www.amesanl.org/gl/mediateca/dir/mediateca/Act%C3%ADvate!+Defende+os+teus+dereitos
Así mesmo, A Mesa lamenta a pasividade da Xunta de Galiza ante un novo ataque aos dereitos lingüísticos da cidadanía. Susana Méndez salientou que “cada día que Feijóo permanece na presidencia da Xunta é máis difícil poder vivir en galego na Galiza”, polo que animou a toda a sociedade a participar na manifestación que o vindeiro 17 de maio percorrerá as rúas de Santiago de Compostela baixo o lema “Non queremos ser estranxeiras na propia patria! Queremos galego!”
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
