Lugo, 15 de maio de 2013.- A Xunta de Galicia vén de constituír a Comisión Xestora da Cámara de Comercio de Lugo, que se poñerá a traballar de maneira inmediata co obxectivo de devolver o goberno e a estabilidade á institución, sendo a súa principal tarefa a convocatoria de eleccións. A Comisión está constituída por 11 membros, 9 deles en representación da Xunta e 2 en representación das propias Cámaras, nomeados polo Consello Galego de Cámaras.
Segundo explicaron hoxe a delegada da Xunta en Lugo, Raquel Arias, e a directora xeral de Comercio da Consellería de Economía e Industria, Sol Vázquez Abeal, a primeira reunión da Comisión está prevista para a vindeira semana. Nese encontro proporase a elaboración dunha auditoría para coñecer coa máxima celeridade a situación económica e de persoal do ente cameral, para así comezar a facer fronte ás distintas obrigas e necesidades pendentes.
Unha vez coñecida a situación financeira, a Comisión Xestora será a encargada de analizar, cos propios recursos da Cámara, as fórmulas para, en primeiro lugar, intentar garantir o pago dos salarios aos traballadores.
Do mesmo xeito, unha vez coñecidos os resultados da auditoría iniciaranse os trámites para a convocatoria de eleccións, baixo a tutela da administración pública, co obxectivo de restituír a gobernabilidade e garantir a estabilidade das súas funcións.
Nese momento abrirase un prazo de 15 días para que os empresarios de Lugo poidan inscribirse no censo, un punto no que, tal e como indicaron as representantes da Xunta, será de vital importancia o compromiso do empresariado co futuro da Cámara. Posteriormente procederase ao trámite das candidaturas e á convocatoria de eleccións.
A Xunta de Galicia, que como órgano tutelante se implicou desde o primeiro momento para contribuír na busca de solucións para a Cámara de Lugo, aposta por Cámaras de Comercio solventes, útiles para o empresariado galego e que se autofinancien coa prestación de servizos de calidade. Así, agarda que a Cámara de Comercio de Lugo conte pronto cunha nova directiva para garantir o seu futuro no novo contexto que marcará a nova lei cameral.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
