Esta semana na Comisión 7 de Agricultura, Alimentación, Gandaría e Montes do Parlamento de Galicia.
Cualifica de especialmente acertado o apoio económico que a Xunta prestará aos concellos e que ascende ao 75% do custe.
As entidades locais son as que mellor coñecen as súas necesidades no marco da loita contra o lume.
Santiago, 13 de maio de 2013.- O portavoz da área de Montes e Incendios do Grupo Popular e secretario do Parlamento galego, Jose Manuel Balseiro, preguntará pola colaboración que ten previsto prestar a Xunta de Galicia aos concellos galegos en termos de loita contra os incendios e, moi en concreto, no despregue das novas brigadas municipais. O parlamentario popular interpelará aos responsables da Consellería do Medio Rural e do Mar na comisión 7ª de Agricultura, Alimentación, Gandaría e Montes prevista para esta semana no Parlamento de Galicia.
A XUNTA SUBVENCIONA O 75% DO CUSTE
Balseiro lembra que foi a propia conselleira, Rosa Quintana, quen sinalou como unha das prioridades do departamento que dirixe o establecemento dun reforzado modelo de relación cos concellos para articular a resposta en materia de prevención e extinción de incendios forestais, unha medida que desde o Grupo Parlamentario Popular entenden especialmente acertada -segundo salientou o deputado- xa que suporá un apoio económico desde a administración autonómica ás locais que ascende ao 75% do total do custe da brigada.
O portavoz da área de Montes de Incendios tamén defende que as entidades locais son as que mellor coñecen as súas necesidades en materia de incendios e polo tanto básicas na planificación destas accións.
BRIGADAS COMPOSTASP POR 4 O 5 PROFESIONAIS
Aínda que será na Comisión 7ª que ten previsto celebrarse esta semana Balseiro preguntará como teñen previsto estruturarse estas novas brigadas, cales serán as súas tarefas –no ámbito da prevención e extinción dos lumes-, limpeza das masas forestais e vixilancia.
Con todo, xa coñecemos que o número de brigadistas contratados poderá oscilar de entre 4 e 6 persoas para cada brigada que, en principio, prestarán os seus servizos entre os meses de xullo ata o remate da primeira quincena de outubro.
OUTROS APOIOS
O persoal das brigadas municipais disporá na súa tarefa de prevención e loita contra os incendios do apoio doutros operativos como poden ser os parques de bombeiros, tanos municipais como comarcais, como dos novos Grupos de Emerxencia Supramunicipais (GES) nun amplo operativo ao que tamén hai que sumar Protección Civil e o resto de corpos que colaboran nas emerxencias, como Garda Civil, Policía Nacional, Policía Autonómica, servizos sanitarios, etc.
Precisamente o pasado xoves o Consello da Xunta deu luz verde á sinatura dun convenio de colaboración entre o Goberno galego, a Federación Galega de Municipios e Provincias e as Deputacións provinciais, polo que as tres entidades achegarán 18,6 millóns de euros entre 2013 e 2015 para a creación e implantación dos grupos de emerxencias supramunicipais (GES).
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
