Mercedes Bouza, ruteira maior da II Ruta dos Viños de Foz

O pub O Atabal acolleu a entrega de premios aos gañadores da II Ruta dos Viños. Foi a semana pasada cando tivo lugar a través de Radio Foz, o sorteo dos premios que puxo en xogo a Acia dentro da segunda Ruta dos Viños que tivo lugar hai unhas semanas. O primeiro premio consistente en 300 euros en vales para gastar na hostalería local foi para Mercedes Bouza Rego, que ademais recibirá o diploma de Ruteira maior. O segundo premio dotado con 150 euros foi para Emilio Acebo Losada. E o terceiro premio composto de 4 vales por importe de 100 euros cada un foron para Mónica Fiallega Gómez, Hilario Manuel Fiallega Campos, Nieves Díaz Iglesias e Rosi Calvo Gutiérrez. Estes premios sorteáronse entre os clientes que selaron a tarxeta nos 29 locais participantes na II Ruta dos Viños. O presidente e a vicepresidenta de ACIA Foz foron os encargados de efectuar a entrega dos agasallos onte á tarde ao pub O Atabal.