Bernardo Fraga, Portavoz Municipal do BNG, asegurou na mañá de hoxe, a situación dos traballadores é insostible, levan 3 meses sen cobrar, e a única resposta que lles aporta o goberno municipal, é que están no limbo.
Viveiro, 3 de maio de 2013. O BNG de Viveiro, presenta esta mañá unha solicitude formal ao Alcalde de Viveiro, para que convoque de forma urxente un Pleno Extraordinario, para tratar a situación de “Aparcamientos A Mariña” e dos seus traballadores. Así mesmo, solicita a documentación existente para o coñecemento de todos os grupos políticos, correspondente ao cese do administrador xudicial, a situación xurídica actual da empresa, e os documentos das xestións realizadas por este Concello, a fin de solucionar esta situación.
Bernardo Fraga, Portavoz Municipal do BNG, declarou na mañá de hoxe “a situación dos traballadores de Aparcamientos A Mariña, é insostible, levan tres meses sen cobrar, e ninguén pon solucións riba da mesa. O Goberno Municipal non é capaz de abordar esta situación, e os traballadores atópanse indefensos, ante unha situación da que non son culpables, e que deriva da pésima xestión económica do concello nos últimos anos”
Os representantes do BNG, que se reuniron na tarde de onte cos traballadores da empresa, denuncian ademais que o Alcalde nin sequera se reuniu cos traballadores. A única resposta que tiveron, foi da Concelleira de Facenda, indicándolles que se atopaban no limbo, e que só se pode esperar.
O BNG de Viveiro, afirma que non é o momento de esperar senón de actuar, o Alcalde de Viveiro, debe dirixirse ao Xulgado e a SGAE urxindo a solucionar este problema dunha vez.
Así mesmo, engadiron, que é precisa unha revisión urxente, das tarifas do aparcamento, posto que coa subida do ive ao 21%, que realizou o goberno estatal, o aparcamento conta cada vez con menos usuarios.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
