Ribadeo, 3 de maio de 2013. A partires do vindeiro luns, 6 de maio, os/as interesados/as que o desexen poden solicitar cita para facer a declaración da renda de 2012 no Concello de Ribadeo, tal e como anunciaba esta mañá o alcalde. Fernando Suárez subliña que se trata dun servizo moi apreciado e demandado polos ribadenses e asegura que o equipo de goberno quere seguir achegando a administración á veciñanza.
O rexedor sinalou que “agora que estamos inmersos neste debate sobre se as administracións se deben achegar aos cidadáns ou se deben afastar desde logo apostamos sempre pola primeira vía e facémolo con exemplos. De aí que volvamos ter o servizo da declaración da renda aquí en Ribadeo para esta campaña de 2012, que a partir deste vindeiro luns ás 9 da mañá xa os veciños e veciñas de Ribadeo que o precisen poderán pedir cita, como estes últimos anos, tanto presencial como por vía telefónica para reservar vez para que con este acordo que temos entre o Concello e a Axencia Tributaria de Lugo poida vir un funcionario competente a axudar e a asesorar para a realización da declaración da renda”.
Fernando Suárez lembrou que “realmente isto está pensado basicamente para xente con declaracións que non sexan demasiado complexas, que non teñan máis dun arrendamento, que non teñan ingresos de máis de 60.000 euros e en todo caso as novas instrucións que temos con respecto a outros anos é que xente que o ano pasado pediu cita, ocupou o espazo doutra persoa e que logo non acudiu a realizar a declaración non se lle vai poder dar cita para esta campaña que empeza para o luns que vén”.
Para o alcalde ribadense “isto é un exemplo de como se pretende dende o Concello seguir achegando servizos aos veciños. E aínda que agora, a día de hoxe, cada vez máis xente nova a través de internet xa pode facer a declaración da renda sen ningún problema segue existindo moita xente maior, que está desconectada das novas tecnoloxías e que non teñen esa capacidade, pero desde o Concello lle seguimos ofrecendo este servizo”.
Suárez Barcia quixo “felicitar publicamente, darlle os parabéns aos responsables da administración tributaria de Lugo por permitir o desprazamento deste funcionario que vén aquí sistematicamente desde hai moitos anos. Trátase dun servizo moi querido, moi demandado polos veciños e veciñas de Ribadeo. O número de citas é limitado e polo tanto eu pídolles expresamente a todos os veciños que teñan certo sentidiño e pídolles solidariedade. Desde logo non se vai atender para que unha persoa pida por el e por tres ou catro veciños e amigos máis, senón que cada persoa terá que vir expresamente demandalo, porque se trata de que as citas limitadas que existen cheguen ao mellor número de persoas posibles”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
