A rexedora local, Emma Álvarez, explicou que as obras deberán estar rematadas o 14 de xullo.
Lourenzá, 8 de maio de 2013. O Concello de Lourenzá asinou coa empresa Copcisa o contrato para a construción do museo e centro de interpretación no Pazo de Tovar, obra que debe estar rematada o 14 de xullo deste ano.
A alcaldesa, Emma Álvarez Chao, anunciou hoxe a firma “coa empresa Copcisa, concretamente con Javier Sal Pérez na súa representación, do contrato para adxudicar o proxecto de museo e Centro de Interpretación da Cultura dos Pazos Galegos, é dicir a restauración que se vai facer no Pazo de Tovar. Este contrato ascende a 164.221,94 euros e ten un prazo de execución de dous meses dende a firma da acta de comprobación do replanteo, que se ten que facer nos vindeiros oito días. Polo tanto como moi tarde o 14 de xullo estará rematada esta obra, que foi adxudicada o día 19 de abril despois de ofertar a nove empresas este traballo e recibir soamente a oferta de cinco delas. Conta cunha subvención do Agader con fondos Feader no marco do PDR 2007-2013 concedida o 8 de outubro do ano 2012 por un importe de 117.471, 54 euros”.
“Vaise actuar en aproximadamente 350 metros cadrados para rehabilitar a zoan da antiga vivenda da familia Sela dentro do conxunto do Pazo de Tovar, que está emprazado no lugar de Canedo. O que se vai facer é adaptar esta vivenda a un espazo para museo e Centro de Interpretación da Cultura dos Pazos Galegos”, explicou Emma Álvarez, quen engadiu que o obxectivo é “a dinamización turística do concello e do resto da Mariña. A idea do museo e Centro de Interpretación da Cultura dos Pazos Galegos xurdiu da necesidade de ter un lugar onde se explique a tipoloxía e o percorrido destas edificacións históricas tan significativas da nosa paisaxe galega. Este proxecto innovador non ten mellor forma de levarse adiante que sendo precisamente dentro dun propio pazo. Búscase unha combinación do pasado pero tamén do presente da zona potenciando o propio pazo ao mesmo tempo que se lle da un realce ao cultivo da faba, que serán dúas simbioses perfectas á hora de atraer a noso concello e a nosa comarca”.
A rexedora municipal tamén comentou que “centrándonos no edificio propiamente dito, o museo estará situado na ala sur do conxunto, máis concretamente na antiga vivenda da familia Sela e contará cun acceso principal desde o patio de armas do pazo e tamén cun acceso secundario desde o exterior do conxunto. En planta baixa proxéctase unha sala diáfana ocupada por un só tramo de escaleiras que comunicará o primeiro e o segundo andar. Baixo esta escaleira está previsto situar un estante que albergue as publicacións existentes ata o momento sobre os pazos galegos e máis concretamente do Pazo de Tovar. Esta sala será a que albergue a totalidade das actividades do museo e tamén do centro de interpretación polo seu carácter multifuncional. Ao desenvolverse en planta baixa tamén cumprirá con tódolos parámetros de accesibilidade vixentes”.
A intervención no pazo “pretende respectar o que se considera estrutura e volume orixinais executándose aquelas obras necesarias para dar resposta ao novo uso. Ademais hai que ter en conta que nun primeiro momento non debía de ter a estrutura e a construción que se pode apreciar a día de hoxe, posto que segundo se deixa ver na parte da reseña histórica a altura da cuberta xustamente no muro que se comparte coa Torre do Homenaxe pódense ver as mostras evidentes e físicas de que no seu orixe a cuberta na que agora vamos intervir foi a dúas augas e non a unha soa como se aprecia a día de hoxe. Ademais neste mesmo andar na actualidade aparecen fiestras abertas a posteriori e sen ningunha linguaxe similar ao conxunto arquitectónico existente e propio da época. Polo tanto vaise dar resposta na nova fachada mediante un cerramento lixeiro de solución seca. Abrangue unha capacidade para 36 persoas e permite boas condicións de visibilidade e acústica a todas as prazas”, rematou a alcaldesa.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
