Ribadeo, 1 de maio de 2013. O telecentro acollerá do 9 ao 16 de de maio varios cursos organizados pola Concellaría de Sociedade da Información. A inscrición está aberta na Casa da Xuventude, segundo anuncia o edil Xavier Campos.
O concelleiro nacionalista explicou que “desde á Área de Sociedade da Información do Concello de Ribadeo queremos informar da posta en marcha dunha serie de cursos que teñen como obxectivo final axudar a familiarizar con internet e coas posibilidades que ofrece a aqueles ribadenses que estean interesados ou interesadas en adquirir maiores coñecementos, en sacar maior partido do que é internet, as redes sociais e diferentes usos que poden ser interesantes para a vida diaria de todos e todas nós”.
Xavier Campos indicou que “neste sentido os días 9 e 10 de maio de 11:30 a 13 horas comezará un curso que leva por nome Opera co teu banco a través da internet e que estará centrado en explorar as posibilidades que internet ofrece para a realización de xestións bancarias das máis habituais, das máis correntes, que todos e todas facemos de forma regular”. O edil de Mocidade e Sociedade da Información manifestou que “o día 13 de maio, pola súa banda, haberá un curso máis xenérico, máis amplo, que se chamará Descubrindo internet, orientado a persoas que a día de hoxe non teñen un coñecemento básico do que internet é e lles ofrece. Será un curso que, por este motivo, terá máis duración: comeza o luns, día 13 pero tamén se repetirá o martes 14, o luns 20 e o martes 21 no mesmo horario de mañá: de once e media a unha”.
Campos engadiu que “finalmente os días 14, 15 e 16 de maio en horario de tarde, de seis a sete e media, terá lugar un taller sobre Organización de viaxes a través de internet, que se centra fundamentalmente en ver qué posibilidades nos ofrece internet para a organización de viaxes de lecer, de traballo ou as diferentes necesidades que teñamos e en que medida as podemos satisfacer a través dos recursos que hoxe en día internet ofrece.”
Calquera persoa interesada en participar nestes cursos o único que ten que facer é pasarse polo telecentro de Ribadeo, que está na Casa da Xuventude ou ben chamar ao teléfono 982.120.732 de 9:30 a 13:30 e de 16 a 20 horas. De luns a xoves sempre vai haber persoas que poidan atender a calquera ribadense interesado ou interesada en apuntarse nalgún destes cursos.
“Os cursos contan cun total de 9 prazas e polo tanto aquelas persoas que estean interesadas en participar nalgún deles o que se recomenda é certa rapidez no proceso de inscrición, que é moi sinxelo: simplemente poñéndose en contacto co telecentro de Ribadeo, na Casa da Xuventude, ou ben no número telefónico 982.120.732”, sinalou o concelleiro de Sociedade da Información.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
