Santiago, 5 de xuño de 2013.- O secretario xeral do Mar, Juan Carlos Maneiro Cadillo confirmou esta mañá no Parlamento, a preguntas do voceiro do Mar do Grupo Popular, José Manuel Balseiro, que a acuicultura galega disporá dunha lei especifica para regular o sector. Así o explicou na Comisión de Pesca e Marisqueo do Parlamento de Galicia na que os populares interesáronse polas previsións da Xunta para o desenvolvemento do sector neste primeiro tramo de lexislatura.
Maneiro díxolle a Balseiro que na actualidade se está a desenvolver a redacción desta nova norma específica para a industria dos cultivos acuícolas que, entre outros obxectivos, busca outorgar a indispensable seguridade xurídica no proceso de consolidación e crecemento do sector; concentrar e reforzar a xestión integral do sector acuicultor na consellería do Medio Rural e do Mar; remover os obstáculos inxustificados para o desenvolvemento eficiente e sostible do sector e, por último, establecer as bases para que poida alcanzar todo o seu potencial.
DESENVOLVEMENTO SOSTIBLE
Preguntado polo voceiro do Mar do Grupo Popular sobre os obxectivos máis específicos do novo texto, Juan Carlos Maneiro explicou que a lei quere sentar as bases que propicien o desenvolvemento sostible de todo o potencial da acuicultura galega nas distintas modalidades de cultivos técnica e economicamente viables, prover a subseguinte implantación dunha industria forte e estruturada nas zonas costeiras e contiguas a correntes fluviais aptas para a actividade acuicultora, contribuíndo con iso á cohesión económica nas distintas áreas do país e á fixación de poboación especialmente nas comarcas rurais, sempre en equilibrio coa protección dos recursos e do medio mariño, fluvial e terrestre.
A norma tamén servirá para dispor dos instrumentos adecuados para a toma de decisións administrativas baseadas estritamente no estado do coñecemento científico máis solvente e especializado no seguimento da acuicultura mariña e continental e para defender a garantía sanitaria das explotacións, cuxa ordenación ten como prioridade preservar o óptimo estado sanitario da fauna presente nos nosos ecosistemas acuáticos.
COMPETENCIAS PLENAS NA CONSELLERÍA
Para lograr estes obxectivos, o secretario xeral do Mar explicou que esta norma procederá a atribuír á Consellería do Medio Rural e do Mar a facultade de actuar como órgano substantivo e decisorio, concentrando para iso as facultades de establecemento e implantación de medidas para a ordenación do sector na totalidade dos aspectos implicados no desenvolvemento da actividade, con especial atención a: á ordenación e regulación integral do sector e a actividade, o estudo e planificación do desenvolvemento físico do sector, a autorización, seguimento e control da actividade acuicultor e a adopción e execución das medidas de conservación, protección e, no seu caso, rexeneración do medio acuático inherentes á resolución administrativa de avaliación ou estudo ambiental.
Balseiro interesouse tamén polos obstáculos que existen hoxe no desenvolvemento acuícola galego. Neste senso, Maneiro Cadillo explicou que non son exclusivos de Galicia senón que coinciden plenamente cos detectados a nivel nacional e de toda a Unión Europea. Por sintetizalos, están todos os aspectos relacionados ca seguridade xurídica e doutra banda os relacionados ca competencia polos espazos con outras actividades concorrentes coma a pesca, o marisqueo ou as actividades marítimas lúdicas.
O secretario xeral do Mar concluíu sinalando que dar solucións adecuadas a estes dous problemas marcará o desenvolvemento a medio e longo prazo da acuicultura galega, española e europea. Neste sentido, dixo que Galicia, ca elaboración da Estratexia Galega de Acuicultura e o desenvolvemento das accións nela propostas, ao que se sumará a elaboración da lei de acuicultura, sitúase nunha posición privilexiada para abordar e dar solución a estes obstáculos.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
