Arte, teatro e tradición, no 3º aniversario de Pasiño a Pasiño

Remata unha semana de actividades para conmemorar o 3º aniversario da asociación. O venres día 21, ás 18:00 h inaugurouse a I Exposición de Pasiño a Pasiño, onde se poideron contemplar ao redor de 40 traballos de pintura, realizados polos nenos de 5 a 11 anos. Tamén se expuxeron fotografías onde se resumían as últimas actividades, saídas e obradoiros realizados pola asociación durante o ano así coma traxes de carnaval e de Samaín confeccionados tamén con axuda de todos os socios. Houbo tarta de cumpreanos con forma de pe, e unha homenaxe para a profesora de debuxo (Oliva), que foi quen de sacar o mellor de cada neno durante os 9 meses que durou o curso de pintura. O sábado, 22, os Ghazafelhos e a súa obra de teatro “Bon Apetit” fixeron desternillarse de risa a nenos e maiores no auditorio da Casa da Cultura de San Cibrao. E, o domingo, 23, os nenos saíron polo entorno do pobo cos seus cestiños a recoller fiunchos para colocar nas fiestras e portas e xa de cara á noite foron a bailar ás fogueiras seguindo a tradición.