José Ramón Gómez Besteiro, aspirante á secretaría xeral do PSdeG, visitou hoxe de novo Ourense para reunirse coa militancia da comarca ourensá, Trives e Caldelas e presentar o seu proxecto de partido, ademais de recoller ideas e respostar dúbidas. O socialista falou dos problemas de Galicia e achegou medidas para “un Goberno Aberto real”, recollidas dentro do seu ideario de Partido Aberto, Goberno Aberto que iniciou o pasado decembro en Lugo e que agora está a levar por toda Galicia. Gómez Besteiro apostou por “facilitar as constribucións da cidadanía” con melloras como “a flexibilización das condicións para presentar iniciativas lexislativas populares”, para o que actualmente é necesario recoller 15.000 sinaturas.
“Hai que facer pedagoxía e tamén aplicar de forma efectiva unha rexeneración democrática, ao contrario do que está a facer o goberno de Feijóo, que pecha as portas do Parlamento e tivo a dubidosa honra de inaugurar esta lexislatura rexeitando unha iniciativa popular a favor da sanidade pública”, afirmou Besteiro. O socialista presentou ante a militancia outras medidas como a limitación de mandatos, non só nos postos de goberno, senón tamén orgánicos, e normas de transparencia como darlle acceso á cidadanía ás contas anuais e electorais do partido no mesmo momento en que se presentan ao Tribunal de Contas.
O socialista incidiu noutras propostas que vén apuntando nas súas reunións polo país, como a publicación de salarios e a declaración xurada de bens a principios da lexislatura en todos os niveis de goberno, o acceso público á axenda do secretario xeral, as sancións a cargos políticos que incumpran as súas obrigas de representación ou programáticas ou a obriga a aceptar sempre preguntas nas roldas de prensa.
Asimesmo, Gómez Besteiro lembrou a súa intención de trasladar o encontro coa militancia Partido Aberto, Goberno Aberto que fixo en Lugo a toda Galicia con carácter anual, así como organizar reunións sectoriais periódicas coa cidadanía e facilitarlles o acceso a datos e a aportación de suxerencias a través das novas tecnoloxías.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
