Éxito da Escola Municipal de Ximnasia Rítmica de Xove

O pasado sábado 15 de xuño celebrouse en Ourense o Campionato Galego de Promoción, no cal o equipo sénior da Escola Municipal de Xove acadou o 3º posto no podio, por detrás do Club Ximnasia Coruña (1º) e o Club Arousa de Pontevedra (2º), cun exercicio mixto de aros e pelotas. Trátase dun gran éxito deportivo, xa que é a única escola municipal que compite en Galicia a este nivel. O equipo que conseguiu este meritorio terceiro posto está formado por: Pilar Vázquez, Lucía Fernández, Noela Bouza, Alba Balseiro, Javiera Duarte e Alba Rodríguez. Este mesmo conxunto proclamouse subcampión galego en categoría cadete a nivel escolar. Un gran resultado para festexar este ano o XXº aniversario da fundación da Escola Municipal de Ximnasia Rítmica.