O aspirante á secretaría xeral do PSdeG José Ramón Gómez Besteiro reuniuse esta mañá en Vilalba coa militancia da comarca da Terra Chá para presentar o seu proxecto de partido e falar de solucións de futuro para Galicia. O socialista avogou por “cambiar o concepto de produtividade” en Galicia, para o que é necesario “crer realmente no crecemento, non só dicilo porque queda ben, e poñer medidas para logralo”, contrapoñéndoo ao que está a facer o goberno da Xunta.
“O PP quere aumentar a produtividade recurtando salarios e postos de traballo, sen resultados. A única forma de gañar produtividade e competitividade é apostar pola formación, por unha educación de calidade e polo i+D+i. Está demostrado que o retorno económico da innovación é moito maior que o das políticas de austeridade”, argumentou Besteiro.
Para o socialista, o problema de zonas como a da Terra Chá ou moitas outras en Galicia é “que non se pechan os ciclos de produción” nin se apoia iso. “Vendemos leite, pero temos que mercar os iogures”, exemplificou, e apostou por “pechar ciclos coas persoas desempregadas pero cualificadas que agora mesmo se ven na obriga de buscar oportunidades fóra”. Gómez Besteiro puxo tamén o exemplo da transformación da madeira en Galicia, un sector infrautilizado, e destacou “unha cifra incrible, que só o 1,4% da poboación activa en Galicia pertence ó sector primario a pesar de ser un lugar cunhas condicións privilexiadas, algo impensable nos países desenvolvidos como Francia ou EEUU, onde nunca abandoaron o seu sector primario”.
O aspirante á secretaría xeral do PSdeG propuxo incentivar fórmulas de cooperativismo, “que xeneran maior produtividade e emprego”, e quixo desmentir a fórmula de austeridade nos custos laborais e rebaixa de salarios como fórmula para saír da crise. “Precisamente os países con custos laborais máis altos son os que teñen menos paro”, dixo. “É difícil avanzar se seguimos a inverter en innovación por debaixo incluso da media española e se non cremos nunha política industrial baseada nunha cadea de valor”, lamentou Besteiro, que cre que a raíz do problema é que “Galicia ten un goberno que non cre realmente nas súas posibilidades, e que está instalado no discurso da austeridade e a resignación” en lugar de ver “as potencialidades de futuro e aportar un proxecto serio a longo prazo, porque algúns son incapaces de ver máis aló da foto e os réditos inmediatos a calquer custo”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
