O BNG Alfoz – Valadouro demanda que o Concello de Alfoz se implique no problema de abandono do río Ouro e lle transmita a situación á Consellaría de Medio Ambiente, Territorio e Infraestruturas para actuar en varios puntos do cauce do río, sobre todo, na Ponte do Teixo, Vilaúde, na Ponte da Serra de Damián; ademais do tramo que pasa polas Leas, unha demanda que xa fora solicitada fai un ano.
O BNG recorda que o 28 de maio do 2012 xa dirixira a seguinte proposta ao Concello de Alfoz: “O tramo do Río Ouro ao seu paso polo lugar chamado As Leas, na parroquia de Bacoi, xa raiando coa parroquia de Santo Acisco atópase ateigado de troncos de árbores, lixo de toda caste (botellas, plásticos…) e illas formadas polo propio entullo acumulado ou por desprendementos de terra da propia ribeira do río. No leito do río poden verse piñeiros duns 30 metros de longo totalmente mergullados, outras árbores atópanse semiafundidas formando diques que acabaron por facer deste tramo unha especie de encoro onde a auga esta retida. Segundo información proporcionada por bos coñecedores do río, este tramo do Ouro (As Leas) aliméntase das augas do Rego de Budián, e chega á denominada Presa de Santo Acisco, ao longo destes máis de tres quilómetros o estado do cauce fluvial está totalmente abandonado dende hai uns tres anos, mesmo se pode observar un panel metálico de información institucional tirado no fondo do río. Esta situación favorece as grandes riadas, xa que as correntes fluviais do inverno ao non poder seguir polo cauce asolagan o resto do terreo, noutras ocasións a auga fai moita forza nas barreiras formadas polos refugallos e provoca a destrucción das marxes do cauce, desfacéndoo e creando novas illas de lixo e refugallos”.
Un ano despois, a situación empeorou gravemente, xa que temos contabilizado un grande número de novos troncos depositados no leito do río -ademais de refugallos arrastrados pola corrente- debido ás inclemencias invernais e máis á situación de abandono na que se atopa a zona, tanto a ribeira coma o curso fluvial.
Os nacionalistas destacan que no leito dun afluente do Ouro ao seu paso polo lugar coñecido como Ponte do Tieso (na parroquia de Lagoa) atópanse uns grandes bloques de pedra (restos dunha antiga represa construída para facilitar o regadío dos prados lindeiros), que constitúen un elemento artificial, alleo ao curso fluvial que favorece a acumulación de troncos arrastrados pola corrente ou de calquera outro refugallo, orixinando posíbeis atrancos para o curso natural do río.
O BNG de Alfoz – Valadouro ven de presentar a proposta de colaboración na conservación do río Ouro alertados porque no barrio de Vilaúde (na parroquia de Mor) a carón dunha ponte de recente construción, pode observarse xunto con outros refugallos, unha roda de tractor abandonada no leito do río Ouro, orixinando a conseguinte contaminación das augas (por liberación de productos químicos), e máis un grande prexuízo estético.
Así mesmo, destacan a situación da ponte coñecida como Ponte da Serra de Damián (na parroquia de Bacoi) onde hai varios eucaliptos atravesados –arrastrados pola chea e/ou caídos das marxes- atrancados contra un antigo alicerce, que de seguir alí acabarán por formar diques e deter o curso do río.
Tendo en conta as graves deficiencias que presenta o Ouro nas áreas sinaladas e que estamos a falar dun río sinalado como Lugar de Importancia Comunitaria (LIC) e incluído na Rede Natura 2000, o BNG demanda que o Concello de Alfoz xestione a retirada das derrubas no curso do río ao seu paso pola Ponte do Teixo (Lagoa) e a limpeza de refugallos no río Ouro ao seu paso por Vilaúde (Mor). Así mesmo, propoñen que o Concello implique á Consellaría de Medio Ambiente na recuperación e mantemento do río Ouro ao seu paso polas Leas (Bacoi) e xestione a retirada dos troncos no río Ouro ao seu paso pola Ponte da Serra de Damián.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
