A Asociación de Comerciantes, Industriais e Autónomos de Foz organiza unha nova edición da festa dedicada á sardiña esta fin de semana, dende mañá, venres, ata o domingo.
Este festexo gastronómico, dedicado a un produto que se consume tradicionalmente nesta época do ano, vaise desenvolver en 23 establecementos hostaleiros focenses, que son: A Bolera, A Funcional, A Maseira, A Rula, A Viña, Bar Oíche, Cafetería Dallas, Cafetería May-Ross, Cafetería Pastelería Anduriña, Cafetetería Pastelería Xoyma, Cervecería Fina, Cervecería Portovello, Hotel Restaurante Leyton, Mesón O Tangarte, Pizzería A Soalta, Pizzería Xoíña, Restaurante As Brasas, Restaurante Costumes do Mar, Restaurante Dandy, Restaurante O Carro, Restaurante O Lar, Restaurante O Tangarte Mariñeiro e Restaurante Portochico.
As sardiñas venderanse a 1,20 euros a unidade en todos os establecementos participantes.
Párate en Foz
Por outra banda, ata finais de mes segue a campaña Párate en Foz, organizada para potenciar las compras en el comercio tradicional de la localidade.
Segundo explican os promotores da iniciativa en colaboración coa ACIA “aquelas persoas que realicen as súas compras durante este mes en Foz en algún dos establecementos que participan nesta campaña serán obsequiadas cun café, grazas ao que poderán conseguir vales de desconto por importe de 10 euros”. Desde a organización subliñan que “os que selen polo menos 8 veces a tarxeta que lles será entregada, conforme se tomaron 8 consumicións, poderán cambiala por un vale de desconto de 10 euros para consumir nos comercios que se dan cita nesta campaña. Ademais todos aqueles que consigan ditos vales entrarán no sorteo final de dous premios: un depósito de gasolina gratis e unha cea para dúas persoas”.
Os locais que participan na campaña Párate en Foz son: Kaos, Chinela, P.I.R, Ginzo, Arrullos, Belianorte, Pura, Anduriña, Xoyma y MayRos.
Párate en Foz prolongarase ata o 30 de xuño. o día 1 de xullo, a través de Radio Foz, farase o sorteo dos agasallos.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
