Santiago de Compstela, 2 de xullo de 2013. A Mesa pola Normalización Lingüística respondeu na mañá deste martes 2 de xullo ao comunicado que a Consellaría pendurou na tarde de onte no sitio web de educación, convertido sen vergoña nun voceiro do Partido Popular.
Neste comunicado, que defendía non acatar a sentenza do TSXG que anulaba o artigo do decreto de plurilingüismo do PP no que se recollía a realización das enquisas e no que se atacaba á CIG-Ensino por solicitar nos tribunais que se respecte esta sentenza –solicitude tamén realizada pola Mesa-, sinalábase sen rubor que “A pregunta realizada pola Consellería ás familias é legal, necesaria, e ten como fin coñecer cal é a lingua da que parten as nenas e nenos de infantil, co fin de garantir os dereitos do alumnado e a axeitada promoción da lingua galega.”
Desde A Mesa denuncian que o que o PP entende por “axeitada promoción da lingua galega” non é outra cousa que eliminar completamente todo rastro de galego no ensino infantil, para que unha vez que os rapaces estean instalados no castelán poder darlle tratamento de lingua estranxeira nos cursos superiores.
“Non é verdade que o obxectivo da enquisa sexa garantir que o alumnado reciba o primeiro ensino na súa lingua materna” indicou Callón “Na Mesa recibimos queixas continuamente de nais e pais que non teñen posibiliade de mandaren os seus fillos e fillas a unha escola infantil na que se utilice o galego con normalidade. Cónstanos que na Consellaría tamén reciben queixas neste sentido e non fan nada por solucionaren o problema. Imposibilitar o ensino en galego é unha decisión política do Partido Popular”.
Desde A Mesa lembran que o ensino infantil sempre foi unha etapa difícil para o idioma propio do país, pois a Xunta nunca puxo os medios axeitados para garantir unha mínima presenza do galego nesta etapa educativa. Porén, nunca en democracia se comprobaran niveis de uso tan calamitosos como na actualidade. Así, Callón manifestou que resulta indignante o cinisnmo das declaracións do conselleiro: “Causa rubor a desvergoña do conselleiro. Nunca desde o franquismo as nenas e nenos de fogares galegofalantes tiveran tantos obstáculos para se escolarizaren na súa lingua materna como desde que goberna Núñez Feijóo”.
Os datos que manexa a asociación demostran que a enquisa ás familias non é máis que a tapadeira utilizada polo PP para varrer o galego do sistema educativo. Así, a experiencia en cursos pasados demostra que malia que en moitos centros o 40 ou 45% das familias declaraban nestas enquisas utilizaren o galego como lingua habitual, os seus fillos víanse obrigados a recibir un ensino integramente en castelán até os 6 anos. A Mesa lembra o caso feito público no curso pasado dun centro de Vigo no que por un só voto de diferenza todo o ensino pasou a ser impartido nese curso exclusivamente en castelán.
Así, un estudo feito público pola Mesa en outubro de 2012 revelaba que este sistema levara á desaparición do galego no 95% dos centros de infantil nas cidades galegas. (http://amesanl.org/gl/novas/amosar/id/347)
Finalmente a entidade en defensa da lingua reclamoulle máis unha vez á Xunta que “escoite as asociacións de nais e pais, sindicatos, organizacións estudantís e movementos de renovación pedagóxica que lle reclaman a unha soa voz unha política educativa, lingüística e cultural que non ataque os nosos sinais de identidade e que garanta as competencias comunicativas do alumnado no idioma propio de Galiza”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
