Dende a Sección Sindical de MCA-UGT Alcoa, e en reposta á nota de prensa emitida pola CIG no día de onte, vémonos na obriga de aclarar:
1º- Que é mentira o que na citada nota de prensa se di con respecto ós incrementos salariais que se pactaron no preacordo do 15º Convenio Colectivo que vimos de negociar. Non hai en dito preacordo ningún tipo de conxelación salarial, como se di dende a CIG. No ano 2013 o incremento salarial é de un 1% dende xaneiro, e a posible diferenza que puidera existir entre ese 1% e o IPC real do 2013 sería compensado nas táboas salariais do ano 2017 no salario base. Para o ano 2014 temos garantida unha subida salarial fixa de un 1,2% e en caso de que o IPC real do 2014 superara ese 1,2% garantiríase ese incremento do IPC real no ano 2014 si a empresa ten uns beneficios por riba de 10 millóns de euros, e se o IPC real deste ano fose inferior a este 1,2% fixo non teríamos que devolver nada como si se fixo nos anos 2008 e 2009. Para os anos 2015 e 2016 temos garantido, igual que en 2014, un incremento salarial de 1,2% e si o IPC real fose superior a ese 1,2% e a empresa ten uns beneficios superiores a 5 millóns de euros garántese o incremento salarial do IPC real destes anos, se o IPC real deste ano fose inferior a este 1,2% fixo non teríamos que devolver nada como si se fixo nos anos 2008 e 2009. Dende logo dende MCA-UGT temos que dicir que de conxelación salarial nada de nada.
2º- Garántese o contrato relevo ó 100% do persoal incluído en convenio colectivo, có que se consegue que 290 traballadores con 61 anos se poidan acoller á xubilación parcial con contrato de relevo e así mesmo que se incorporen a plantilla con un contrato indefinido dende a súa incorporación a outros tantos traballadores, có que é unha garantía de xeración de emprego que non se puido conseguir no anterior convenio colectivo, cando a CIG ostentaba os cargos do Comité de Empresa, cun prezo do aluminio que rondaba os 3.000 dólares a tonelada, hoxe anda polos 1.700 dólares a tonelada. Pensamos que deberían de analizar esta situación.
3º- Ademais disto conseguíronse outra serie de melloras que tendo en conta as circunstancias actuais a nivel xeral das empresas e as da nosa en particular, fan que este preacordo se poida considerar como positivo, e entendendo que poida haber xente á que lle guste máis ou menos o acadado, o que non podemos admitir é que se minta e se faga demagoxia nun asunto tan importante para os traballadores de Alcoa.
4º- Polo anteriormente exposto sempre mantivemos que este preacordo terá que ser refrendado polos traballadores nun referendo aínda que dadas as actuais circunstancias económicas do país, do prezo do aluminio e das dificultades que nos atopamos na mesa de negociación, esta Sección Sindical entende que este convenio colectivo nos termos os que se chegou, garante que ningún traballador perda ningún dereito, garante subidas salariais e a creación de postos de traballo que tan necesarios son nas actuais condicións de traballo no noso país.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
