Mariña lucense, 3 de xullo de 2013.- O decisión do eurocomisario socialista Joaquín Almunia respecto da devolución das axudas concedidas a través do tax lease pon en perigo a continuidade de preto de 300 empregos nos estaleiros da Mariña lucense e do occidente asturiano.
Desde o Partido Popular o secretario do Parlamento de Galicia e deputado mariñán José Manuel Balseiro, pide ao PSOE autonómico, provincial e aos socialistas da comarca que exerzan a presión necesaria co seu compañeiro de partido Almunia, para que rectifique a evite a morte do naval.
Os populares teñen previsto rexistrar iniciativas de apoio ao sector dos estaleiros navais en todos os concellos da comarca rexeitando esta decisión arbitraria do dirixente socialista. Desde o PP lembran tamén que se trata dunha proposta discriminatoria se a comparamos co que se ten feito noutros casos semellantes que afectaban ao sector naval, como o francés e, polo tanto que de aplicarse suporía un claro agravio comparativo. Balseiro di ademáis que a decisión de Almunia ten moi pouca lóxica xurídica, porque non se pode permitir que se aplique retroactivamente a devolución dunha subvención fiscal que, de acordo co réxime xurídico español, era perfectamente válida ata o momento que se declarou que non cumpría a normativa comunitaria.
“A Joaquín Almunia non lle pedimos patriotismo, só xustiza e que aplique en España as mesmas decisións que adoptou para outros países da UE”-explicou Balseiro
Os populares lamentan o silencio do PSOE provincial e comarcal neste asunto o que debe engadirse á posición nada coherente dos seus dirixentes a nivel autonómico. “Os socialistas serán sempre benvidos á defensa do naval. Pero esperemos que adopten unha postura firme e definitiva. Pois en apenas 48 horas pasaron de non subscribir un manifesto en apoio do sector a pedir a cabeza de Almunia”
REACCIÓN DA XUNTA
Fronte a falta de reacción dos socialistas desde o PP poñen en valor o traballo que o presidente Feijóo forxou xunto a Asturias, País Vasco e o Ministerio de Industria unha posición común que evite a decisión avanzada a semana pasada por Almunia.
Con todo o PP subliña que a decisión non é definitiva e que queda menos dun mes para que esta se poida corrixir. “Quen ten a chave neste asunto é un socialista que está a piques de pasar á historia como a persoa que puxo punto e final a decenas de anos de tradición naval en Galicia”.
Segundo o PP é incoherente que Europa por unha banda conceda fondos comunitarios para combater o desemprego e ao mesmo tempo tome unha decisión que só en España destrúe 87.000 postos de traballo, preto de 300 na Mariña lucense e o occidente asturiano.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
