Foz, 3 de xullo de 2013. Este venres, 5 de xullo, dará comezo a oitava edición do ciclo Sons na Rúa cun concerto da Rondalla Latexos, que se poderá escoitar na praza Pardo de Cela ás nove da noite. Así a Delegación de Cultura do Concello de Foz intenta un ano máis acercar a música á rúa aproveitando o bo tempo da época estival.
Sons na Rúa completa un extenso programa composto por outras actividades musicais xa realizadas, como foron o festival A Capela, de coros infantís e xuvenís, e a presentación por parte do director da Escola Municipal de Música da Orquestra Oresmu, que tivo un grande éxito.
Como sinala o concelleiro de Cultura, Ánxel Paleo, “os concertos realizaranse todos os venres do mes de xullo en espazos públicos que reúnen unhas boas condicións acústicas. Despois do concerto da Rondalla Latexos deste venres, o día 12 o xornalista Fidel Fernán presentará no polideportivo do Campo da Cabana a partires das dez da noite o festival de música galega Coa Nosa Fala, que contará con artistas como Lino Quintet, Chingla, Mariví, Sito Sedes, Hugo Torreiro e Yadhira e Escolma de Meus”.
Paleo tamén anunciou os concertos que se poderán escoitar os últimos dous venres do mes a partires das nove da noite, ámbolos dous na praza Pardo de Cela: “O venres 19 actuará o grupo de voces Mar Aberto e o venres 26, a coral polifónica e a banda de música de Foz”.
O concelleiro de Cultura anima “tanto ós veciños de Foz como ó resto da xente a que se acerquen a ver estes concertos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
