Ribadeo, 12 de xullo de 2013. O vindeiro luns, 15 de xullo, darán comezo as actividades do programa Construíndo o verán, que pon en marcha a Concellaría de Servizos Sociais por segundo ano consecutivo.
Segundo explica Teresa González Piñeiroa trátase dun programa no que participarán trinta rapazas e rapaces con idades comprendidas entre os 6 e os 16 anos, “está incluído dentro do proxecto de redución do abandono escolar e ten coma obxectivos básicos: establecer unhas rutinas neste período estival no que non está demais poder dosificar ese tempo libre, sobre todo na mocidade; estudar aquelas materias pendentes, sobre todo en secundaria, porque teñen que volver a examinarse en setembro e no caso dos de primaria tamén para repasar contidos básicos, incidindo na lectura, na escritura, no cálculo; conciliar a vida laboral e familiar e coñecer o medio sociocultural dunha forma lúdica, mediante diversos obradoiros”.
A concelleira de Servizos Sociais sinalou que “a maior parte do alumnado estivo asistindo ás clases que se deron durante o inverno. Pídese tamén un compromiso ás familias de que os seus fillos e fillas van asistir a estes programas, pídese colaboración e que incidan en que respecten as normas básicas de comportamento”.
As clases desenvolveranse en horario de 11 a 13 horas nas instalacións da Escola Oficial de Idiomas. González Piñeiroa subliñou que “contamos con voluntariado. Neste caso son cinco persoas que se organizaron, estableceron uns horarios e dividíronse entre primaria e secundaria. Este voluntariado traballa coas pautas e as directrices que nos marcan os departamentos de orientación laboral dos centros de ensino dándonos información sobre cada un dos participantes. Hai que facer constar esa entrega do voluntariado ano tras ano prestándonos o seu tempo de lecer para causas tan altruístas coma estas”.
En Construíndo o verán “tamén traballamos con persoal técnico municipal. Neste caso son catro persoas, unha de medio ambiente, unha de cultura, unha de igualdade e unha mais de trastornos aditivos. A de medio ambiente impartirá obradoiros de concienciación sobre ecoloxía e respecto polo medio, a técnica de cultura desenvolverá roteiros por Ribadeo para que reflexionen sobre a tradición e a cultura locais, a técnica de igualdade traballará con proxección de películas e co trivial feminista que elaborou o Observatorio da Mariña pola Igualdade e a técnica de trastornos aditivos e drogodependencias centrarase sobre todo na internet, nas redes sociais, no seu uso e na prevención de riscos”, engadiu Teresa González Piñeiroa. Estes obradoiros serán os luns e os mércores.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
