Foz, 17 de marzo de 2026. O Concello de Foz continúa investindo na mellora dos servizos municipais e da cultura, concretamente na biblioteca Salgado Tomil e nas instalacións de RadioFoz.
“A finais do ano 2024 abriuse a sala de estudos da biblioteca municipal Salgado Toimil. Fixemos un investimento de máis de 12.000 euros en equipamentos e mellora da antiga sala de exposicións da Casa da Cultura, cumprindo unha petición dos estudantes focegos: ter un espazo para estudar, nas condicións dunha biblioteca universitaria”, explica a concelleira de Cultura, Inés López Couto, que engade: “iso xunto ao horario de 8.30 da mañá á 8 da tarde ininterrompido de luns a venres, fai que sexa un lugar sempre moi concorrido. Mais as necesidades da Casa da Cultura continúan, polo que decidimos investir máis de 31.000 euros na mellora do equipamento da biblioteca e da radio municipal, para o que tamén solicitamos unha axuda á Xunta de Galicia. O traballo na biblioteca continúa mellorando os fondos literarios, cun investimento anual de preto de 10.000 euros, así como moitas actividades de dinamización da lectura entre os máis pequenos e os coles. Agora a biblioteca é un lugar social onde os pais lles len aos pequenos e onde se poden facer traballos grupais”.
O alcalde, Fran Cajoto, pon en valor os novos servizos da Casa da Cultura de Foz, que están a ter moi boa acollida: “En maio do 2023 estreamos a nova web municipal e abrimos RadioFoz a internet, polo tanto agora podemos escoitar a radio pública desde calquera lugar do mundo. En novembro do 24 inauguramos a sala de estudo do primeiro andar, que tantos opositores e estudantes usan a diario. Nestes últimos meses vimos de cambiar a iluminación, pintar o espazo e mellorar o mobiliario da biblioteca, tanto para os grandes como para os máis pequenos. E no tocante á radio, renovamos por completo os antigos equipos dotándoa de novos procesadores, módulos para chamadas telefónicas e equipamentos informáticos e de software, para dixitalizar todos os procesos. Tamén incluímos un equipo portátil que nos vai a permitir emitir en directo desde calquera punto do Concello; un salto que xa están a notar todos os oíntes na calidade das emisións. E seguimos traballando. Os próximos retos están na mellora do salón de actos e da pintura exterior do edificio, así como unha futura mellora de horarios, para que a Casa da Cultura Poeta Manuel María siga tendo moita vida”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
