Lourenzá, 19 de xullo de 2013. O 25 de xullo, Día de Galicia, Lourenzá lembra a Fernández del Riego coa reedición do Roteiro Literario que non se fixo o 17 de maio pasado debido ao mal tempo e a lectura dun manifesto que Don Francisco xa proclamara dende o balcón da actual Casa do Concello no ano 1931.
A concelleira de Cultura, Lupe Flórez Seivane, anunciou que “dende o Concello de Lourenzá, co gallo da celebración do día de Galicia o vindeiro xoves 25 de xullo, presentamos un acto enmarcado dentro da exaltación do día da nosa comunidade autónoma. Pretendemos nesta ocasión non só facer unha homenaxe a Galicia, senón tamén dentro dos actos do ano de Fernández del Riego que vimos de establecer neste 2013, incluír unha actividade específica neste sentido. Trátase do manifesto que no ano 1931 dende o balcón do que hoxe son as oficinas da Casa do Concello leu Don Francisco Fernández del Riego, un manifesto que permaneceu inédito practicamente ata os nosos días e que chega a nós grazas á doazón dunha copia por parte da Fundación Penzol, que o custodiaba. Aparte deste acto simbólico, onde tratamos de lembrar a un dos laurentinos máis ilustres e galeguista por excelencia, tentaremos tamén reproducir nesta ocasión a actividade que en certa maneira quedara frustrada o Día das Letras Galegas, o pasado 17 de maio, aquel roteiro literario que debido ás inclemencias meteorolóxicas daquelas datas tivo que realizarse no salón de actos. Neste día, xoves 25, retomarémolo e trataremos de levalo a cabo no exterior, como estaba previsto inicialmente para a súa celebración”.
Lupe Flórez convida “a tódolos laurentinos e persoas do entorno que nos queiran acompañar nesa data a xuntarnos o xoves ás 11 da mañá na praza do Conde Santo para dar inicio nun primeiro momento ao desenrolo do roteiro literario, que terá lugar nuns puntos específicos de Lourenzá onde leremos textos alusivos que Don Francisco Fernández del Riego fixo deses lugares da nosa vila. Temos previsto que poida alongarse ata as dúas horas de duración, aínda que como é algo que se vai realizar no exterior non sabemos o tempo que nos vai levar en concreto. Ao finalizar leremos ese manifesto na Casa do Concello, izarase a bandeira de Galicia e soará o himno galego”.
A edil laurentina delegada de Cultura, en representación do Concello, agradece “á Xunta de Galicia, que nos está aportando unha axuda específica nestes actos de Francisco Fernández del Riego ao longo de todo o ano 2013 e, especialmente neste acto concreto da lectura do manifesto, á Fundación Penzol e ós seus representantes que, como dicía anteriormente, nos fixeron chegar unha copia do mesmo a Lourenzá para que puidese ser reproducido nesta data tan significativa”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
