A Mariña, 10 de xullo de 2013. O venres 12 de xullo, ás 20:30 horas, o Salón de Actos da Casa da Cultura de Riotorto vai acoller un acto preparatorio do Día da Patria Galega no que van intervir Federico Gutiérrez Estoa, alcalde de Riotorto e membro do Consello Nacional do BNG, e Bautista Álvarez, fundador do BNG e militante nacionalista desde fai máis de 50 anos.
Segundo indicou Ana Ermida, responsábel comarcal do BNG, “esta palestra inaugura a campaña de preparación do Dia da Patria Galega de 2013 na comarca da Mariña; unha campaña que pretende achegar a reivindicación da data aos nosos veciños e veciñas e, por suposto, convocalos para a grande mobilización patriótica do 25 de xullo en Compostela”.
O acto ao que nos estamos a referir enmarcase na campaña de axitación do Día da Patria Galega que estamos a organizar os nacionalistas, na tripla perspectiva de explicar ao noso pobo os obxectivos do BNG neste momento político, tamén na dirección de clarificar o significado estratéxico da loita do nacionalismo e de someter a análise as reivindicacións que dan sentido á nosa alternativa.
A portavoz comarcal dos nacionalistas na Mariña indicou que “se todos os 25 de xullo revisten unha especial significación, o 25 de xullo deste ano demostra con máis claridade que a demanda de soberanía para o noso País non é simplemente a plasmación concreta dunha reivindicación que se vincula ao noso carácter nacional, senón que sen soberanía política, isto é sen contar cos instrumentos que lle son propios a un Estado, Galiza atópase absolutamente desarmada e sen folgos para facer fronte á crise económica e para unha xestión da mesma que non signifique máis atraso para a nosa nación e máis miseria para súas clases populares”.
Ana Ermida lembrou que “as demandas que son propias dos nacionalistas desde os tempos de Castelao, desde aquela xeración que puxo en pé as Irmandades da Fala e o Partido Galeguista, acadan hoxe particular vixencia. O deterioro da democracia, secuestrada por iso que dan en chamar os mercados e que non é máis que o capitalismo de sempre, a destrución do tecido económico de Galiza atendendo ás directrices que emanan do Estado Español e de Europa, e se o Estado Español aniquila o sistema financeiro galego após roubar aos aforradores, a Unión Europea aniquila o naval, ou o empobrecemento xeneralizado das clases populares demostran que sen soberanía non hai futuro para o noso pobo”.
“Son tempos de mobilización e loita” afirmou Ermida que fixo “un chamamento a sociedade da Mariña a participar dos actos previos ao Día da Patria Galega e da mobilización patriótica do 25 de xullo. Non temos dúbida que o debate político, a clarificación ideolóxica, a formación sobre os principios reitores do noso proxecto e unha practica consecuente son piares para mudar este noso País hoxe empobrecido e agredido polo Estado Español e a Unión Europea, nunha nación próspera e socialmente xusta”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
