Cervo, 4 de xullo de 2013. O BNG acusou hoxe ao goberno muncipal de andar buscando escusas de mal pagador para evitar dar cumpremento ao acordo plenario que o obriga a demandar “con urxencia e vehemencia” a recuparación da cuarta praza médica do concello, perdida tras a decisión do SERGAS de prescindir dos servizos dun dos catro profesionais médicos existentes ate agora no concello. Os nacionalistas denuncian que o goberno muncipal de Cervo está sendo a ferramenta útil do SERGAS para perpetrar a rebaixa na calidade asistencial no municipio e buscan escusas de mal pagador para non poñerse do lado da xente que é onde deberan estar.
ONDE ESTÁ O GOBERNO LOCAL QUE NON CONTESTA OS ARGUMENTOS DO SERGAS QUE INSISTEN NOS MEDIOS DE COMUNICACIÓN EN QUE TRES MÉDICOS SON MELLOR QUE CATRO?
O portavoz municipal do BNG no Concello de Cervo, Xoán Antón Estúa, reafirmouse no argumento de que o goberno local está servindo de parapeto á Consellaría de Sanidade que insiste, un día si e outro tamén, en manter que a desaparición dunha praza médica do concello é positiva e mellora a calidade asistencial no municipio. Neste sentido insitiu en que “o goberno local e os dirixentes do Partido Popular asisten en silencio a declaracións de dirixentes do SERGAS que manteñen a decisión de prescindir dun facultativo no concello, cal é a razón pola que estes dirixentes locais calan no canto de defender o acordo plenario que demanda a recuperación da praza de facultativo perdido?”, preguntou o nacionalista.
Na mesma liña argumental Estúa preguntouse si o papel do goberno muncipal está en defender os intereses da veciñanza ou os intereses da dirección do SERGAS, e cuestionou a capacidade de influencia do alcalde e do Secretario Provincial do Partido que son incapaces de facer algo mais que remitir ao goberno galego un acordo plenario que deberan defender con unllas e dentes e non o ostán facendo.
O PRIMEIRO INCUMPRIDOR DE CONSENSOS É O GOBERNO LOCAL QUE NON DEFENDE O ACORDO UNÁNIME DA CORPORACIÓN PARA RECUPERAR A PRAZA MÉDICA PERDIDA
O nacionalista pediu ao Partido Popular repecto para as arredor de 200 persoas presentes no pleno do pasado día 20 que asistiron “de motu propio e sen coaccións de ningún tipo” ao debate do pleno extraordinario forzado pola oposición para tratar a perda dun médico no concello. Estúa “rexeitou a capacidade de influencia que lle outorga o PP cervense para manipular non se sabe qué”, é evidente, matizou, “que hai xente moi enfadada por esta e outras medidas que o PP está aplicando, pero aquí e até que se demostre o contrario, os únicos que están rebentando consensos son os dirixentes locais do PP e o goberno local que se negan a cumprir o acordo unánime da corporación para demandar a recuperación da praza de facultativo perdida”.
Estúa agarda que o goberno municipal tome nota do enfado da xente e saiba reaccionar para defender os intereses veciñais, hoxe mesmo tivo a ocasión de comprobar como “de forma totalmente expontánea” houbo xente que lle reclamou nas portas do concello solucións ao problema e non fixeron falta nin redactoras de prensa, nin chamadas a pechar filas en torno ao partido dirixente.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
