Burela, 4 de xullo de 2013. O ente autonómico Portos de Galicia elaborará unha nova alternativa para mellorar a seguridade no peirao. Desta maneira atenderá a petición que fixeron os representantes do sector nunha xuntanza celebrada hoxe. Así o explicou o alcalde de Burela, José Mª González Barcia, que asegurou que o Concello está sempre disposto a botarlle unha man ao sector pesqueiro da localidade.
O rexedor explicou que “na reunión o que se fixo foi expoñer por parte de Portos de Galicia as alternativas que eles entenden que poden ser aplicables no porto de Burela para incrementar a seguridade dentro da dársena. Hai un martelo que separa a parte comercial da pesqueira, o que mellorou a seguridade da dársena interior, pero aínda así o sector entende que aínda se pode mellorar máis. Polo tanto a petición do propio sector Portos fixo un estudo sobre posibles alternativas para mellorar a seguridade no porto de Burela. Basicamente trátase de evitar a acción do mar de fondo e tamén do mar de vento do nordés no porto de Burela”.
González Barcia relatou que “hai 5 alternativas e viuse que con cada unha delas se dan situacións distintas. Hai algunha alternativa que mellora a seguridade en certos ámbitos do porto de Burela, pero en cambio noutros non tanto”.
O alcalde de Burela sinalou que “a petición do sector vaise ver a posibilidade dunha nova alternativa que eles propuxeron e que consistiría na prolongación do martelo que separa a parte comercial da pesqueira e facer un pequeno martelo desde a zona onde está ABSA. Ao mesmo tempo pediuse que se faga un estudo sobre a incidencia ao longo do ano das distintas situacións que xeran dúas ou tres alternativas, porque algunhas xa se descartaron a raíz do propio estudo”. E engadiu que “das cinco que hai basicamente enténdese que hai dúas que si poden funcionar e deses dúas o que se quere saber é as distintas medicións que se dan nos estudos que se fixeron, ver a incidencia das máis negativas ao longo do ano. Se vemos que unha incidencia negativa se da soamente durante unha semana ao longo do ano ou o tempo equivalente a unha semana ao mellor non é suficientemente representativa como para tela en conta”.
Para José Mª Gonzñalez Barcia “Portos de Galicia cumpre o que no seu día prometeu; é dicir, facer estudos para mellorar a seguridade no porto. Evidentemente eu, como alcalde, coincido co presidente de Portos en que é moi difícil fixar prazos a partir de agora. En todo caso Portos o que vai facer é cumprir a petición que fixo o sector: presentar esa nova alternativa e ese novo estudo sobre a incidencia ao longo do ano de determinadas situacións e logo será o sector, xunto con Portos, quen elixa a alternativa que ofreza maior seguridade. A partir de aí habería que facer un proxecto construtivo. Pero en principio o que se está facendo é dar pasos. Sen isto non se podería facer nin proxecto construtivo nin básico”.
González Barcia considera que “o sector viu positiva a reunión e no que se refire ao Concello nós, como sabe o sector, estamos sempre dispostos a botarlles unha man e neste caso apoiamos todas as xestións que eles queiran facer con Portos de Galicia, porque somos conscientes de que o porto é fundamental para a vida económica de Burela”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
