Cervo, 8 de xullo de 2013.- O Partido Popular denunciou este luns 8 de xullo que unha vez máis os integrantes do Colectivo Sanitario de Cervo “perderon os papeis” cando esta fin de semana tiveron a ocorrencia de dar un aviso a través da orquestra que actuaba nas Festas de Santa Isabel para facer publicidade da súa campaña de recollida de sinaturas en contra da supresión dun facultativo no centro de saúde de San Cibrao.
“Están tan obsesionados con politizalo todo que nin son capaces de respectar as festas. Un entorno lúdico e festivo como era o desa noite non debe ser empregado para facer este tipo de anuncios e nos consta que causou grande malestar entre o público asistente que entendía que este tipo de comportamentos están fóra de lugar”
O PP entende que a recollida de sinaturas está dirixida aos veciños do pobo, e non aos que viñan de fóra e estaban escoitando naquel momento as orquestras e, en todo caso, que para pedir sinaturas hai moitas oportunidades e espazos máis apropiados sen necesidade de utilizar unha festa local.
“Este tipo de detalles son os que mostran unha vez máis que este colectivo está politizado, e que todo o pretenden politizar”, tal e como vén denunciando o Partido Popular desde que tivo lugar o polémico pleno do concello no se tratou a situación sanitaria local.
XIRO RADICAL
Os populares din que é lóxico e comprensible o goteo de abandonos que está sufrindo este colectivo por parte das asociacións de maior importancia do concello e están seguros que moitas das asociacións que aínda forman parte del están replanteándose a súa participación por non compartir “o xiro radical” que caracteriza aos últimos actos de protesta organizados por este colectivo
“Agora son incapaces de respectar unha festa. Pouco antes convertían a súa concentración diante do concello nun cúmulo de gritos e insultos. Son moitas as persoas que non se poden sentir representados por estes actos”, conclúen desde o PP.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
